1 Mga Taga-Corinto 3:1

Ang Biblia 2011

Apan ako, mga igsoon, dili makahimo pagpakigsulti kaninyo ingon nga mga tawong espirituhanon, kondili mga unodnon ingon nga mga masuso diha kang Cristo.

Cross References

Mateo 16:23

Apan miliso siya ug miingon kang Pedro, “Pahawa sa akong atubangan, Satanas! Ikaw usa ka babag alang kanako kay ang imong gihunahuna dili ang mga butang nga iya sa Dios kondili ang mga butang nga iya sa mga tawo.”

Roma 7:14

Kay kita nahibalo nga ang Balaod espirituhanon apan ako unodnon, gibaligya ilalom sa sala.

1 Mga Taga-Corinto 14:20

Mga igsoon, ayaw kamo pagbinata sa inyong hunahuna, hinuon sa daotan pagpakabata kamo, apan sa hunahuna pagpakahamtong kamo.

1 Mga Taga-Corinto 14:37

Kon adunay maghunahuna nga siya propeta, o espirituhanon, kinahanglan nga moila siya nga kining akong gisulat kaninyo sugo sa Ginoo.

1 Mga Taga-Corinto 2:6

Apan ang kaalam nga among gisulti ngadto sa mga hamtong, kaalam nga dili iya niining panahon o sa mga pangulo niini nga lumalabay.

Mga Taga-Galacia 6:1

Mga igsoon, kon ang usa ka tawo maligas ngadto sa kalapasan, kamong mga espirituhanon kinahanglan nga mopahiuli kaniya uban sa espiritu sa kalumo. Pagmatngon sa imong kaugalingon, basin ug matintal ka usab.

Mga Hebreo 5:13

kay ang matag usa nga gigatas pa dili batid sa pulong sa pagkamatarong, kay masuso pa man siya.

1 Juan 2:12

Nagsulat ako kaninyo, mga anak, kay ang inyong mga sala gipasaylo na tungod sa iyang ngalan.