1 Mga Taga-Corinto 2:3

Ang Biblia 2011

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

Cross References

Isaias 19:16

Nianang adlawa ang mga Ehiptohanon mahimong sama sa mga babaye, ug sila mangurog uban ang kahadlok tungod sa kamot nga gibakyaw ibabaw kanila sa Ginoo sa mga panon nga iyang gibakyaw ibabaw kanila.

Mga Buhat 17:1

Ug sa ilang pag-agi sa Ampipolis ug sa Apolonia, miabot sila sa Tesalonica diin didtoy usa ka sinagoga sa mga Judio.

Mga Buhat 18:1

Human niini si Pablo mibiya sa Atenas ug miadto sa Corinto.

Mga Buhat 18:12

Apan sa diha nga si Galio mao ang gobernador sa Acaya, ang mga Judio naghimo ug hiniusa nga pagsulong kang Pablo ug gidala siya ngadto sa hukmanan

Mga Buhat 18:6

Ug sa diha nga misupak sila ug mibiaybiay kaniya, giyabyab niya ang iyang mga bisti ug miingon siya kanila, “Ang inyong dugo paninglon diha sa inyong mga ulo! Ako hinlo ug sukad karon moadto na ako sa mga Gentil.”

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 13:4

Kay bisan tuod siya gilansang sa krus gikan sa kahuyang, apan siya nabuhi pinaagi sa gahom sa Dios. Kay bisan ug kami mga huyang diha kaniya, alang kaninyo mabuhi kami uban kaniya pinaagi sa gahom sa Dios.

2 Mga Taga-Corinto 13:9

Kay kami malipay sa diha nga kami huyang ug kamo lig-on. Ug kami nag-ampo usab niini nga kamo magmahingpit.

2 Mga Taga-Corinto 4:1

Busa sa among pagkabaton niining maong pagpangalagad kay kami gikaluy-an, wala kami maluya.

2 Mga Taga-Corinto 4:16

Busa kami wala maluya. Ug bisan tuod nagkahugo na ang gawas nga bahin sa among pagkatawo, ang among pagkatawo sa sulod gibag-o sa matag adlaw.

2 Mga Taga-Corinto 6:4

Apan ingon nga mga alagad sa Dios kami nagpamatuod sa among kaugalingon: diha sa tumang pagkamalahutayon, diha sa mga kasakitan, sa mga kawalad-on, sa mga kalisdanan,

2 Mga Taga-Corinto 7:15

Ug ang iyang pagbati misamot alang kaninyo sa dihang mahinumduman niya ang pagkamasinugtanon ninyong tanan ug ang kataha ug ang pagkamatinahuron nga inyong gipakita sa inyong pagdawat kaniya.

2 Mga Taga-Corinto 7:5

Kay bisan sa amo nang pag-abot sa Macedonia, wala makapahulay ang among mga lawas, hinuon gisakit kini sa tanang paagi—panagbingkil sa gawas ug kahadlok sa sulod.

Mga Taga-Efeso 6:5

Kamong mga ulipon, kinahanglang magmasinugtanon sa inyong mga tawhanong agalon uban ang pagtahod ug kahadlok sa tibuok ninyong kasingkasing, sama ngadto kang Cristo.