Kay kon tungod sa imong pagkaon nasubo ang imong igsoon, wala na ikaw magsubay sa gugma. Ayaw tugoti nga ang imong gikaon maoy makahimo ug kadaot sa tawo nga gipakamatyan ni Cristo.
Mga igsoon, kamo nasayod nga ang banay ni Estefanas mao ang unang bunga diha sa Acaya ug ilang gihatag ang ilang kaugalingon sa pag-alagad alang sa mga balaan.
Karon mahitungod sa mga hinalad ngadto sa mga diosdios: kita nasayod nga “kitang tanan adunay kahibalo.” Ang kahibalo magpagarbo apan ang gugma magpalig-on.
Apan karon nga si Timoteo nahibalik na diri kanamo gikan kaninyo, ug nagdala kanamo ug mga maayong balita mahitungod sa inyong pagtuo ug gugma, ug sa balita nga kamo sa kanunay adunay maayong paghandom kanamo ug nangandoy sa pagpakigkita kanamo, sama nga kami usab kaninyo.
Kinahanglan nga kanunay kaming magpasalamat ngadto sa Dios mahitungod kaninyo, mga igsoon, ingon nga maoy angay, kay ang inyong pagtuo nagtubo man sa hilabihan gayod, ug ang gugma sa matag usa kaninyo nagkadako man alang sa usa ug usa.
Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.
