1 Mga Taga-Corinto 15:57

Ang Biblia 2011

Apan salamat sa Dios nga mao ang naghatag kanato sa kadaogan pinaagi sa atong Ginoong Jesu-Cristo.

Cross References

2 Mga Hari 5:1

Si Naaman nga tigmando sa kasundalohan sa hari sa Siria usa ka bantogang tawo uban sa iyang agalon, ug gitahod pag-ayo tungod kay pinaagi kaniya ang Ginoo mihatag sa pagdaog sa Siria. Usa siya ka isog nga tawo apan usa ka sanlahon.

1 Cronicas 22:11

Karon, akong anak, ang Ginoo mag-uban kanimo aron molampos ikaw sa pagtukod sa balay sa Ginoo nga imong Dios sumala sa iyang gisulti mahitungod kanimo.

Salmo 98:1

O pag-awit ngadto sa Ginoo ug usa ka bag-ong awit, kay nagbuhat siya ug kahibulongang mga butang! Ang iyang tuong kamot ug ang iyang balaan nga bukton, nakaangkon ug kadaogan alang kaniya.

Mga Panultihon 21:31

Ang kabayo giandam alang sa adlaw sa gubat, apan ang pagdaog iya sa Ginoo.

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Mga Buhat 27:35

Ug sa nakasulti na siya niini, mikuha siya ug pan, nagpasalamat siya sa Dios sa atubangan sa tanan ug iya kining gipikaspikas ug misugod siya sa pagkaon.

Roma 7:25

Salamat sa Dios pinaagi kang Jesu-Cristo nga atong Ginoo! Busa pinaagi sa akong salabotan ako gayod nag-alagad sa balaod sa Dios apan diha sa akong lawas ako nag-alagad sa balaod sa sala.

Roma 8:37

Dili! Hinuon diha niining tanang mga butang kita labaw pa sa mga mananaog pinaagi kaniya nga nahigugma kanato.

1 Mga Taga-Corinto 15:51

Pamati, isulti nako kaninyo ang usa ka tinago. Dili kitang tanan mangamatay, apan kitang tanan mangausab,

2 Mga Taga-Corinto 1:11

Kamo usab motabang pinaagi sa pag-ampo alang kanamo, aron daghan ang magpasalamat alang kanamo tungod sa panalangin nga nadawat namo agig tubag sa daghang mga pag-ampo.

2 Mga Taga-Corinto 2:14

Apan salamat sa Dios nga nagmando kanato kanunay pinaagi kang Cristo ngadto sa kadaogan, ug ang kahumot sa kahibalo mahitungod kaniya gipadayag pinaagi kanato ngadto sa tanang dapit.

2 Mga Taga-Corinto 9:15

Salamat sa Dios tungod sa iyang gasa nga dili maasoy!

Mga Taga-Efeso 5:20

Sa tanang higayon magpasalamat kamo ngadto sa Dios nga Amahan tungod sa tanang mga butang, diha sa ngalan sa atong Ginoong Jesu-Cristo.

Mga Hebreo 2:14

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

Gipadayag 12:11

Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon.

Gipadayag 21:4

Iyang pahiran ang tanang luha gikan sa ilang mga mata, ug ang kamatayon wala na, ug wala na usab unyay pagminatay o paghilak o kasakit kay ang unang mga butang nangagi na.”