1 Mga Taga-Corinto 15:4

Ang Biblia 2011

nga siya gilubong, nga siya nabanhaw sa ikatulo nga adlaw sumala sa kasulatan,

Cross References

Salmo 16:8

Gipahiluna nako kanunay ang Ginoo diha sa akong atubangan; tungod kay anaa siya sa akong tuong kamot, ako dili matarog.

Salmo 2:7

Imantala nako ang sugo sa Ginoo: Siya nag-ingon kanako, “Ikaw mao ang akong anak, niining adlawa gihimo ko ikaw nga anak.

Oseas 6:2

Human sa duha ka adlaw ipahiuli niya kita, sa ikatulo nga adlaw ituboy niya kita, aron kita magpuyo sa iyang atubangan.

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Mateo 20:19

ug itugyan ngadto sa mga Gentil aron bugalbugalan ug bunalan ug ilansang sa krus apan sa ikatulo nga adlaw banhawon siya.”

Marcos 9:31

kay nagtudlo man siya sa iyang mga tinun-an ug nag-ingon siya kanila, “Ang Anak sa Tawo itugyan ngadto sa mga kamot sa mga tawo, ug patyon nila siya ug sa mapatay na siya, mabanhaw siya human sa tulo ka adlaw.”

Lucas 24:26

Dili ba kinahanglan man gayod nga ang Cristo mag-antos niining mga butanga ug mosulod sa iyang himaya?”

Lucas 24:46

ug miingon kanila, “Sa ingon niini nasulat nga ang Cristo kinahanglan gayod nga mag-antos, ug sa ikatulo nga adlaw mabanhaw gikan sa mga patay,

Lucas 9:22

Ug siya miingon, “Ang Anak sa Tawo kinahanglang mag-antos sa daghang mga butang, ug isalikway siya sa mga kadagkoan ug sa mga pangulong pari ug sa mga eskriba, ug patyon, ug sa ikatulo nga adlaw mabanhaw siya.”

Juan 19:38

Human niini, si Jose nga taga-Arimatea nga usa ka tinun-an ni Jesus, apan sa tago lamang tungod sa kahadlok niya sa mga Judio, mihangyo kang Pilato nga iyang kuhaon ang lawas ni Jesus, ug siya gitugotan ni Pilato. Busa miadto siya ug gikuha niya ang lawas ni Jesus.

Mga Buhat 1:3

Human sa iyang pag-antos, mipakita siya kanila nga buhi pinaagi sa daghang mga pagpamatuod, nagpakita ngadto kanila sulod sa 40 ka adlaw ug nagsulti kanila mahitungod sa gingharian sa Dios.

Mga Buhat 17:31

kay siya nagtakda ug adlaw kon kanus-a niya hukman ang kalibotan diha sa pagkamatarong pinaagi sa usa ka tawo nga iyang gitudlo, ug niini naghatag siya ug pasalig ngadto sa tanang mga tawo pinaagi sa pagbanhaw kaniya gikan sa mga patay.”

Roma 6:4

Busa pinaagi sa bautismo gilubong kita uban kaniya ngadto sa kamatayon, aron ingon nga si Cristo gibanhaw gikan sa mga patay pinaagi sa himaya sa Amahan, kita usab maglakaw diha sa kabag-o sa kinabuhi.

Mga Taga-Colosas 2:12

ug gilubong kamo uban kaniya diha sa bautismo, nga uban kaniya usab kamo gibanhaw pinaagi sa pagtuo sa gahom sa Dios nga nagbanhaw kaniya gikan sa mga patay.

Mga Hebreo 13:20

Karon hinaot nga ang Dios sa kalinaw nga nagbanhaw sa atong Ginoong Jesus, ang dakong magbalantay sa mga karnero, pinaagi sa dugo sa dayon nga kasabotan,

1 Pedro 1:11

Ilang gisusi kon unsa o unsang panahona ang gipasabot sa Espiritu ni Cristo nga diha kanila sa ilang pagpropesiya sa mga pag-antos ni Cristo ug sa himaya nga mosangpot niini.