1 Mga Taga-Corinto 15:2

Ang Biblia 2011

Pinaagi niini kamo naluwas, kon inyong huptan ang pulong sa Maayong Balita nga akong giwali kaninyo, gawas kon taphaw lamang ang inyong pagtuo.

Cross References

Mga Panultihon 23:23

Palita ang kamatuoran ug ayaw kini ibaligya; palita ang kaalam, pahimangno ug ang salabotan.

Mga Panultihon 3:1

Anak ko, ayaw kalimti ang akong gitudlo, apan ipatuman sa imong kasingkasing ang akong kasugoan;

Mga Panultihon 4:13

Hupti gayod ang pahimangno, ayaw siya buhii; bantayi siya kay siya mao ang imong kinabuhi.

Lucas 8:13

Ang diha sa bato mao kadto sila nga sa ilang pagkadungog, midawat sa pulong uban sa kalipay apan wala kini silay gamot, sila mituo sa makadiyot ug unya sa panahon sa pagsulay sila mobiya.

Mga Buhat 2:47

nagdayeg sa Dios ug nakapahimuot sa tanang tawo. Ug ang Dios nagdugang ug mga linuwas sa ilang gidaghanon matag adlaw.

Mga Buhat 8:13

Bisan si Simon usab mituo, ug sa nabautismohan na, nagpabilin siya kang Felipe. Ug sa iyang pagkakita sa mga ilhanan ug mga dagkong milagro nga nangahimo, siya nahibulong.

Roma 1:16

Kay dili nako ikaulaw ang Maayong Balita, kay kini mao ang gahom sa Dios alang sa kaluwasan sa matag usa nga nagtuo, ngadto sa Judio una sa tanan ug unya ngadto sa Grego usab.

Roma 11:22

Busa timan-i ang pagkamaluluy-on ug ang kahigpit sa Dios: kahigpit kanila nga nangatumba, apan alang kanimo ang pagkamaluluy-on sa Dios, kana kon ikaw magpadayon diha sa iyang kaluoy kay kon dili, putlon ka usab.

1 Mga Taga-Corinto 1:18

Kay ang mensahe sa krus binuang alang sa mga nagkalaglag apan alang kanato nga nangaluwas, kini ang gahom sa Dios.

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

1 Mga Taga-Corinto 11:2

Gidayeg ko kamo tungod sa inyong paghinumdom kanako sa tanang paagi ug sa paghupot sa gikabiling mga pagtulun-an ingon sa akong pagbilin kaninyo.

1 Mga Taga-Corinto 15:14

ug kon si Cristo wala mabanhaw, kawang lamang ang among pagsangyaw ug kawang lamang usab ang inyong pagtuo.

2 Mga Taga-Corinto 2:15

Kita ang kahumot ni Cristo ngadto sa Dios diha kanila nga mga nangaluwas ug kanila nga mga nangalaglag,

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Galacia 3:4

Giantos ba ninyo ang daghang mga butang sa wala lamay kapuslanan?—kon kini wala gayoy kapuslanan.

Mga Taga-Efeso 2:8

Kay tungod sa grasya kamo nangaluwas pinaagi sa pagtuo ug kini dili gikan kaninyo, kini gasa sa Dios—

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

2 Mga Taga-Tesalonica 2:15

Busa, mga igsoon, barog kamo nga lig-on ug hupti ang mga lagda nga gitudlo kaninyo pinaagi sa pulong nga gisulti o pinaagi sa among sulat.

2 Timoteo 1:9

nga nagluwas kanato ug nagtawag kanato sa balaanong pagtawag, dili sumala sa atong mga binuhatan kondili sumala sa iyang kaugalingong katuyoan ug grasya nga gihatag kanato diha kang Cristo Jesus sa wala pa ang mga kapanahonan nga walay kataposan,

Mga Hebreo 10:23

Sa walay pagsibog pangusgan nato pagkupot ang paglaom sa atong tinuohan, kay kasaligan siya nga nagsaad kanato.

Mga Hebreo 2:1

Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini.

Mga Hebreo 3:14

Kay kita nahimong mga mag-aambit kang Cristo, kon ang atong unang pagsalig padayonon gayod nato pagkupot nga malig-on hangtod sa kataposan,

Mga Hebreo 3:6

apan si Cristo ingon nga Anak matinumanon sa pagdumala sa balay niya. Ug kita mao ang iyang balay kon huptan nato pag-ayo ang atong pagsalig sa garbo sa atong paglaom.

Mga Hebreo 4:14

Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.

Santiago 2:14

Mga igsoon ko, unsa may kapuslanan kon ang usa ka tawo mag-ingon nga siya adunay pagtuo apan walay binuhatan? Makaluwas ba kaniya ang maong pagtuo?

Santiago 2:17

Busa ang pagtuo patay sa iyang kaugalingon kon kini walay binuhatan.

Santiago 2:26

Kay ingon nga patay ang lawas nga walay espiritu, mao man usab, patay ang pagtuo nga walay binuhatan.