1 Mga Taga-Corinto 14:3

Ang Biblia 2011

Apan ang nagpropesiya, nagsulti ngadto sa mga tawo aron paglig-on ug pagdasig ug paglipay kanila.

Cross References

Lucas 3:18

Busa uban sa daghan pang mga pahimangno, nagwali si Juan sa Maayong Balita ngadto sa mga tawo.

Mga Buhat 13:15

Human sa pagbasa sa Balaod ug sa mga Propeta, ang mga pangulo sa sinagoga nagpaadto kanila sa pag-ingon, “Mga igsoon, kon aduna kamoy pulong sa pagdasig alang sa katawhan, isulti kana.”

Mga Buhat 14:22

nga naglig-on sa mga kalag sa mga tinun-an, nagdasig kanila sa pagpadayon diha sa pagtuo, ug nagsulti nga kinahanglang mosulod kita ngadto sa gingharian sa Dios latas sa daghang mga kasakit.

Mga Buhat 15:32

Unya si Judas ug si Silas, nga mga propeta usab, midasig sa mga kaigsoonan pinaagi sa daghang mga pulong ug naglig-on kanila.

Mga Buhat 4:36

Busa si Jose, nga gianggaan sa mga apostoles ug Bernabe (nga ang kahulogan, anak sa pagdasig), nga usa ka Levihanon nga taga-Cipro,

Mga Buhat 9:31

Busa ang iglesia sa tibuok Judea ug Galilea ug Samaria nakabaton ug kalinaw ug nalig-on na sila. Ug sa nagpadayon sila diha sa pagkahadlok sa Ginoo ug sa pagdasig sa Espiritu Santo, sila midaghan.

Roma 12:8

ang nagmaymay, sa iyang pagpangmaymay; ang nag-amot, diha sa pagkamadagayaon; ang nangulo, diha sa kadasig; ang naghimo ug mga buhat sa kaluoy, diha sa kasaya.

Roma 14:19

Busa tinguhaon nato ang pakigdait ug paglig-on sa usa ug usa.

Roma 15:2

Ang matag usa kanato kinahanglang magpahimuot sa atong isigkatawo alang sa iyang kaayohan aron siya malig-on.

1 Mga Taga-Corinto 10:23

“Ang tanang butang gitugot,” apan dili ang tanang butang makaayo. “Ang tanang butang gitugot,” apan dili ang tanang butang mopalig-on.

1 Mga Taga-Corinto 14:12

Ingon usab kamo niana, kay nagtinguha man gayod kamo sa mga butang sa Espiritu, paningkamoti nga mahanas kamo alang sa pagpalig-on sa iglesia.

1 Mga Taga-Corinto 14:17

Maayo gayod ang imong pagpasalamat apan ang laing tawo wala mapalig-on.

1 Mga Taga-Corinto 14:26

Busa unsa man, mga igsoon? Inigtigom ninyo, ang matag-usa andam na nga may alawiton, may pagtulun-an, may pinadayag, may laing pinulongan, o hubad sa kahulogan niini. Ipahimo ang tanan alang sa pagpalig-on.

1 Mga Taga-Corinto 14:31

Kay kamong tanan makahimo sa pagpropesiya nga magtinagsa, aron ang tanan makakat-on ug ang tanan madasig

1 Mga Taga-Corinto 8:1

Karon mahitungod sa mga hinalad ngadto sa mga diosdios: kita nasayod nga “kitang tanan adunay kahibalo.” Ang kahibalo magpagarbo apan ang gugma magpalig-on.

2 Mga Taga-Corinto 1:4

Siya naglipay kanamo sa tanan namong kasakit aron kami makahimo sa paglipay kanila nga anaa sa bisan unsang kasakit, pinaagi sa paglipay nga niini kami gilipay sa Dios.

2 Mga Taga-Corinto 2:7

busa kinahanglan nga karon inyo na siyang pasayloon ug hupayon, kay tingali unya ug masubrahan siya sa kaguol.

Mga Taga-Efeso 4:29

Kinahanglang walay sulting daotan nga manggula gikan sa inyong baba, kondili kanang maayo lamang nga makapalig-on ug angay sa higayon, aron makahatag kini ug kaayohan ngadto sa mga naminaw.

Mga Taga-Efeso 6:22

Gipadala nako siya kaninyo alang niining maong tuyo aron masayod kamo sa among kahimtang, ug aron siya makadasig sa inyong mga kasingkasing.

Mga Taga-Colosas 4:8

Gipadala nako siya diha kaninyo alang niining maong tuyo aron inyong masayran ang among kahimtang ug aron siya makadasig sa inyong mga kasingkasing.

1 Mga Taga-Tesalonica 2:11

Kay kamo nasayod kon giunsa namo, sama sa amahan ngadto sa iyang mga anak, pagmaymay sa matag usa kaninyo ug pagdasig kaninyo ug pagpahimangno kaninyo

1 Mga Taga-Tesalonica 2:3

Kay ang among hangyo wala maggikan sa sayop o sa kahugaw o diha sa limbong,

1 Mga Taga-Tesalonica 3:2

ug among gipadala si Timoteo, nga among igsoon ug kaubang magbubuhat sa Dios diha sa Maayong Balita mahitungod kang Cristo, alang sa paglig-on kaninyo ug sa pagdasig kaninyo sa inyong pagtuo,

1 Mga Taga-Tesalonica 4:1

Sa kataposan, mga igsoon, kami naghangyo ug nagdasig kaninyo diha sa Ginoong Jesus, sama nga kamo nakakat-on man gikan kanamo unsaon sa pagkinabuhi ug sa pagpahimuot sa Dios, sumala sa inyo nang gibuhat karon, nga unta molabaw pa gayod ang inyong pagbuhat niini.

1 Mga Taga-Tesalonica 4:18

Busa lipaya ninyo ang usa ug usa pinaagi niining mga pulonga.

2 Mga Taga-Tesalonica 3:12

Karon ang maong mga tawo among gisugo ug gitambagan diha sa Ginoong Jesu-Cristo, nga kinahanglan magbuhat sila nga malinawon aron makakaon sila sa ilang kaugalingong pagkaon.

1 Timoteo 1:4

o sa pagtagad sa minaomaong mga sugilanon ug walay kataposang asoy sa kagikanan, nga naghatag ug hinungdan sa panaglantugi labaw kay sa diosnong buluhaton diha sa pagtuo.

1 Timoteo 4:13

Hangtod nga moabot ako, kugihi ang pagbasa sa kasulatan ngadto sa katawhan, ang pagdasig ug ang pagpanudlo.

1 Timoteo 6:2

Sila nga adunay mga agalon nga magtutuo kinahanglang dili magtamay kanila tungod kay sila mga igsoon man, hinuon kinahanglang mag-alagad sila ingon nga mga ulipon kay sila nga nagpahimulos sa ilang mga maayong pag-alagad mga magtutuo man ug mga hinigugma. Itudlo ug idasig kining mga butanga:

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.

Tito 1:9

nga naghupot pag-ayo sa kasaligang pulong sumala sa gitudlo kaniya, aron makahimo siya sa pagdasig pinaagi sa hustong pagtulun-an ug sa pagbadlong sa mga nagsupak niini.

Tito 2:15

Isulti kining mga butanga. Himoa ang pagdasig ug ang pagpamadlong uban sa tanang kagahom. Ayaw itugot nga adunay magtamay kanimo.

Tito 2:6

Dasiga usab ang mga batan-ong lalaki sa pagpugong sa ilang kaugalingon.

Tito 2:9

Ang mga ulipon kinahanglang masinugtanon sa ilang mga agalon ug magpahimuot kanila diha sa tanang butang. Kinahanglan nga dili na sila motubagtubag,

Mga Hebreo 10:25

sa walay pagbiya sa atong panagtigom, ingon sa gibuhat sa pipila, hinuon magdinasigay kita sa usa ug usa ug ilabina gayod sa makita na ninyo nga ang Adlaw nagkaduol na.

Mga Hebreo 13:22

Maghangyo ako kaninyo, mga igsoon, sa pagpailob niining akong tambag, kay mubo ra kining akong sulat.

Mga Hebreo 3:13

Apan pagtinambagay kamo sa usa ug usa matag adlaw, samtang matawag pa kini nga “karong adlawa,” aron wala kaninyoy magmagahi tungod sa pagpakamalimbongon sa sala.

1 Pedro 5:12

Pinaagi kang Silvano, igsoon nga kasaligan sumala sa akong pag-isip kaniya, nagsulat ako kaninyo sa minubo. Ako nagdasig kaninyo ug nagpahayag nga kini mao ang matuod nga grasya sa Dios, kinahanglan nga maglig-on kamo sa pagbarog niini.

Judas 1:20

Apan kamo, mga hinigugma, lig-ona ang inyong kaugalingon diha sa inyong labing balaan nga pagtuo, mag-ampo diha sa Espiritu Santo.