1 Mga Taga-Corinto 14:16

Ang Biblia 2011

Kay kon dili, bisan kon magpasalamat ikaw uban sa espiritu, unsaon man niya nga anaa sa dapit nga walay kahibalo sa pag-ingon ug “Amen” sa imong pagpasalamat nga dili man siya makasabot sa imong gipanulti?

Cross References

1 Mga Hari 1:36

Ug si Benaias nga anak ni Jehoiada, mitubag sa hari, “Amen! Hinaot unta nga ang Ginoo, ang Dios sa akong agalon nga hari, mosulti niini.

1 Cronicas 16:36

Dalaygon ang Ginoo, ang Dios sa Israel, sukad sa walay kataposan hangtod sa walay kataposan!” Unya ang tanang katawhan miingon, “Amen!” ug nagdayeg sa Ginoo.

Nehemias 5:13

Giyabyab usab nako ang akong bakos nga panapton ug miingon, “Sa ingon niini ang Dios magpapahawa unta sa matag tawo nga dili magtuman niining saad gikan sa iyang balay ug gikan sa iyang buhat. Sa ingon niini iyabyab unta siya ug kuhaan sa sulod.” Ug ang tibuok nga katilingban miingon, “Amen,” ug nagdayeg sa Ginoo. Ug ang katawhan nagbuhat sumala sa ilang gisaad.

Nehemias 8:6

Unya gidayeg ni Ezra ang Ginoo, ang gamhanang Dios, ug ang tibuok katawhan mitubag, “Amen, Amen,” binayaw ang ilang mga kamot ug ilang giduko ang ilang mga ulo ug gisimba ang Ginoo nga ang ilang mga nawong nag-atubang sa yuta.

Salmo 106:48

Dalaygon ang Ginoo, ang Dios sa Israel, sukad sa walay sinugdan ngadto sa walay kinutoban! Ug paingna ang tibuok nga katawhan, “Amen!” Dayega ang Ginoo!

Salmo 41:13

Dalaygon ang Ginoo, ang Dios sa Israel, gikan sa walay kataposan ngadto sa walay kataposan! Amen ug Amen.

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Salmo 89:52

Dalaygon ang Ginoo hangtod sa kahangtoran! Amen ug Amen.

Jeremias 11:5

aron akong mabuhat ang panumpa nga akong gipanumpa sa inyong mga katigulangan, nga hatagan sila ug yuta diin nag-agas ang gatas ug dugos, ingon niining adlawa.” Unya ako mitubag, “Hinaot pa, O Ginoo.”

Jeremias 28:6

ug ang propeta nga si Jeremias miingon, “Amen! Buhaton unta kana sa Ginoo. Himoon unta sa Ginoo nga matinuod ang mga pulong nga imong gipropesiya, ug dad-on pag-usab nganhi niining dapita gikan sa Babilonia ang mga kagamitan sa balay sa Ginoo, ug ang tanan nga mga binihag.

Numeros 5:22

ug kining tubiga nga nagdala ug tunglo mosulod sa imong kalawasan ug mopahupong sa imong lawas ug mopaun-on sa imong taguangkan.’ Ug ang babaye moingon, ‘Hinaot unta, hinaot unta.’

Mateo 15:36

Ug iyang gikuha ang pito ka pan ug ang mga isda, ug sa nakapasalamat na siya, kini iyang gipikaspikas ug gihatag ngadto sa mga tinun-an ug gipanghatag kini sa mga tinun-an ngadto sa katawhan.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Mateo 6:13

ug ayaw kami itugyan sa pagsulay kondili luwasa kami gikan sa daotan.

Marcos 16:20

Ug nanglakaw sila ug nagwali didto sa tanang dapit ug ang Ginoo nagbuhat uban kanila ug nagpamatuod sa pulong pinaagi sa mga ilhanan nga nag-uban niini. Amen.]

Juan 21:25

Daghan pa usab ang ubang mga butang nga gibuhat ni Jesus. Kon isulat pa ang matag usa niini, maoy akong paghunahuna nga bisan pa ang kalibotan dili gayod paigo nga kasudlan sa mga basahon nga masulat.

Juan 7:15

Busa nahibulong ang mga Judio nga nag-ingon, “Giunsa man niining tawhana sa pagkabaton ug kahibalo nga wala man unta siya makatuon?”

Mga Buhat 4:13

Sa ilang pagkakita sa kaisog ni Pedro ug ni Juan, ug sa namatikdan nila nga sila walay alamag ug mga yano lamang nga mga tawo, sila nahibulong. Ug ilang nasayran nga sila diay dugay nang nakig-uban kang Jesus.

1 Mga Taga-Corinto 11:24

ug sa nakapasalamat na siya, kini iyang gipikaspikas ug miingon, “Kini mao ang akong lawas nga gipikaspikas alang kaninyo. Buhata ninyo kini sa paghandom kanako.”

1 Mga Taga-Corinto 14:14

Kay kon ako mag-ampo diha sa laing mga pinulongan, ang akong espiritu nag-ampo apan ang akong pangisip walay bunga.

1 Mga Taga-Corinto 14:2

Kay ang nagsulti ug laing mga pinulongan, nagsulti dili ngadto sa mga tawo kondili ngadto sa Dios, kay wala may makasabot kaniya, apan siya nagsulti ug mga misteryo diha sa Espiritu.

1 Mga Taga-Corinto 16:24

Ang akong gugma mag-uban kaninyong tanan diha kang Cristo Jesus.

2 Mga Taga-Corinto 1:20

Kay ang tanang mga saad sa Dios “Oo” diha kaniya. Mao kanay hinungdan ngano nga kita naglitok sa “Amen” pinaagi kaniya alang sa himaya sa Dios.

Gipadayag 22:20

Ang nagpamatuod mahitungod niining mga butanga nag-ingon, “Sa pagkatinuod, ako moabot gayod sa dili madugay.” Amen. Dali na, Ginoong Jesus!

Gipadayag 5:14

Ug ang upat ka buhing binuhat miingon, “Amen!” ug ang mga kadagkoan mihapa ug misimba.

Gipadayag 7:12

ug nag-ingon, “Amen! Ang pagdayeg ug ang himaya ug ang kaalam ug ang pagpasalamat ug ang kadungganan ug ang gahom ug ang kusog ngadto sa among Dios hangtod sa kahangtoran! Amen.”