1 Mga Taga-Corinto 13:6

Ang Biblia 2011

Ang gugma dili malipay sa daotan, apan malipay kini sa kamatuoran,

Cross References

Salmo 10:3

Kay ang daotan nagpasigarbo sa mga pangandoy sa iyang kasingkasing ug ang tawong hakog nagtunglo ug nagsalikway sa Ginoo.

Salmo 119:136

Ang akong mga mata nagpaagas ug daghang luha tungod kay ang mga tawo wala magtuman sa imong Balaod.

Exodo 18:9

Ug nalipay si Jetro sa tanang kaayohan nga gibuhat sa Ginoo ngadto sa Israel, nga iyang giluwas sila gikan sa kamot sa mga Ehiptohanon.

Mga Panultihon 14:9

Ang mga buangbuang magbugalbugal sa sala, apan taliwala sa mga matarong adunay kaluoy.

Jeremias 13:17

Apan kon kamo dili mamati, ang akong kalag mohilak sa tago tungod sa inyong garbo; ug ang akong mga mata mohilak pag-ayo ug magpaagas sa mga luha, kay ang panon sa Ginoo nabihag.

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 9:1

O katubigan unta ang akong ulo, ug ang akong mga mata tuboran sa mga luha, aron ako maghilak adlaw ug gabii tungod sa mga nangamatay sa anak nga babaye sa akong katawhan!

Oseas 4:8

Nagkaon sila diha sa sala sa akong katawhan; sila hangol sa ilang kasal-anan.

Oseas 7:3

Pinaagi sa ilang kadaotan gilipay nila ang hari, ug ang mga pangulo pinaagi sa ilang mga pagpamakak.

Miqueas 7:8

Ayaw paglipay batok kanako, O akong kaaway; sa diha nga ako mapukan, mobangon ako; sa diha nga ako molingkod sa kangitngit, ang Ginoo mao ang kahayag alang kanako.

Mateo 18:13

Ug sa dihang makit-an na niya kini, sa pagkatinuod sultihan ko kamo nga ang iyang kalipay alang niini labaw pa kay sa kalipay niya alang sa 99 nga wala masaag.

Lucas 22:5

Ug sila nalipay ug nagkasabot sa paghatag kaniya ug salapi.

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

Mga Taga-Filipos 1:18

Unsa may anaa niana? Mao lamang nga sa tanang pamaagi, bisan diha sa pagpakaaron-ingnon o diha sa kamatuoran, si Cristo gisangyaw, ug tungod niini ako naglipay.

Mga Taga-Filipos 1:4

Sa tanan nakong pagpangamuyo alang kaninyong tanan, ako sa kanunay nag-ampo uban sa kalipay,

Mga Taga-Filipos 3:18

Kay daghan kanila, nga akong gisugilon kaninyo sa makadaghan ug nga bisan karon isugilon nako uban sa paghilak, nagkinabuhi nga mga kaaway sa krus ni Cristo.

2 Mga Taga-Tesalonica 2:12

aron hukman sa silot ang tanang wala motuo sa kamatuoran, hinuon nahimuot sa pagkadili matarong.

2 Juan 1:4

Nalipay gayod ako pag-ayo kay akong nakita ang imong mga anak nga nagkinabuhi diha sa kamatuoran, sumala sa sugo nga atong nadawat gikan sa Amahan.