1 Mga Taga-Corinto 13:5

Ang Biblia 2011

Ang gugma dili tigpasigarbo, dili magbinastos, dili mamugas alang sa iyang kaugalingon, dili masuk-anon o madinumtanon.

Cross References

2 Samuel 10:3

Apan ang mga kadagkoan sa mga Amonihanon miingon kang Hanun nga ilang agalon, “Nagtuo ba ikaw nga tungod kay si David nagpadala ug maghuhupay nganha kanimo, nga siya nagpasidungog sa imong amahan? Wala ba si David magsugo sa iyang mga sulugoon nganhi kanimo aron sa pagsusi sa siyudad ug sa pagpaniid niini, ug sa paggun-ob niini?”

Job 21:27

“Tan-awa, ako nasayod sa inyong mga hunahuna, ug sa inyong mga laraw aron sa pagdaot kanako.

Mga Panultihon 14:17

Ang tawo nga daling masuko magbuhat ug binuang, apan ang tawo nga maalamon mapailubon.

Isaias 3:5

Ang katawhan magdaogdaog sa usa ug usa, ug ang matag tawo sa iyang kauban ug ang tanan sa iyang silingan; ang mga batan-on makigbatok sa tigulang, ug ang tawong walay hinungdan ngadto sa mga halangdon.

Jeremias 11:19

Apan ako sama sa usa ka malumo nga nating karnero nga gidala ngadto sa ihawan. Wala ako masayod nga batok kanako sila naglaraw, nga nag-ingon, “Atong laglagon ang kahoy uban ang bunga niini, putlon nato siya gikan sa yuta sa mga buhi, aron ang iyang ngalan dili na mahinumdoman.”

Numeros 12:3

Karon ang tawo nga si Moises mapaubsanon kaayo, labaw kay sa tanang mga tawo sa ibabaw sa yuta.

Numeros 16:15

Si Moises nasuko pag-ayo ug miingon sa Ginoo, “Ayaw tagda ang ilang halad! Wala ako magkuha bisan usa ka asno gikan kanila o magdaot sa usa kanila.”

Numeros 32:6

Apan si Moises miingon sa mga kaliwat ni Gad ug sa mga kaliwat ni Ruben, “Mangadto ba sa gubat ang inyong mga kaigsoonan samtang kamo manglingkod lamang dinhi?

Mateo 5:22

Apan sultihan ko kamo nga si bisan kinsa nga masuko batok sa iyang igsoon, mahiagom sa hukom, ug si bisan kinsa nga moingon, ‘Kuwanggol ka!’ manubag ngadto sa Sanhedrin, ug si bisan kinsa nga moingon, ‘Buang ka!’ mahiagom sa kalayo sa imperno.

Mateo 9:4

Apan si Jesus nga nasayod sa ilang mga hunahuna, miingon kanila, “Nganong naghunahuna man kamo ug daotan diha sa inyong mga kasingkasing?

Marcos 3:5

Sa gilibot niya ug sud-ong sila uban ang kasuko, nasubo tungod sa kagahi nila ug kasingkasing, miingon siya sa tawo, “Ituy-od ang imong kamot.” Gituy-od niya kini ug ang iyang kamot naulian.

Lucas 7:39

Sa pagkakita niini sa Pariseo nga nagdapit kaniya, siya misulti sa iyang kaugalingon, “Kon propeta pa kining tawhana, mahibalo unta siya kon kinsa ug unsang matanga sa pagkababaye ang mihikap kaniya, kay kini siya makasasala man.”

1 Mga Taga-Corinto 10:24

Wala untay maningkamot alang lamang sa iyang kaugalingong kaayohan, kondili sa kaayohan hinuon sa uban.

1 Mga Taga-Corinto 10:33

sama nga ako nagpahimuot sa tanan diha sa tanang butang sa walay pagpangita sa kaugalingon nakong kaayohan, kondili alang sa kadaghanan aron sila maluwas.

1 Mga Taga-Corinto 11:18

Kay una sa tanan, sa dihang magtigom kamo ingon nga iglesia, nakadungog ako nga adunay mga pagkabahinbahin diha kaninyo ug nagtuo ako nga may pagkatinuod kini.

1 Mga Taga-Corinto 12:25

aron walay pagkabahin diha sa lawas, hinuon aron ang mga bahin niini makaangkon sa samang pagtagad alang sa usa ug usa.

1 Mga Taga-Corinto 7:36

Apan kon adunay tawo nga nagtuo nga dili na angay ang iyang lihok ngadto sa iyang hinigugma nga ulay, kon kusog gayod ang iyang pagbati ug kon gikinahanglan man gayod kini, tugoti ang maong tawo sa pagbuhat sa buot niya; paminyoa sila, kini dili sala.

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

Mga Taga-Filipos 2:21

Silang tanan nagpangita sa mga butang sa ilang kaugalingon, dili sa mga butang ni Jesu-Cristo.

Mga Taga-Filipos 4:8

Sa kataposan, mga igsoon, bisan unsang butang nga matuod, bisan unsang butang nga dungganan, bisan unsang butang nga matarong, bisan unsang butang nga putli, bisan unsang butang nga matahom, bisan unsang butang nga maayo ug dungog, kon aduna may labing maayo, kon aduna may pagdayeg, hunahunaa ninyo kining mga butanga.

2 Mga Taga-Tesalonica 3:7

Kay kamo nasayod nga kinahanglan gayod nga inyo kaming sundogon, kay wala kami magtinapolan sa dihang kami uban kaninyo.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.

2 Timoteo 4:16

Sa akong unang pagpanalipod didto sa hukmanan, walay usa nga milaban kanako, ang tanan mibiya kanako. Dili unta kini paninglon batok kanila!

Santiago 1:19

Sabta ninyo kini, hinigugma kong mga igsoon. Kinahanglan nga ang matag tawo mag-inabtik sa pagpamati, maghinay sa pagsulti, maghinay sa pagkasuko,