1 Mga Taga-Corinto 13:12

Ang Biblia 2011

Kay sa pagkakaron, ang atong makita sa salamin hanap lamang nga panagway apan unya sa nawong ug nawong na. Sa pagkakaron, bahin lamang ang akong nahibaloan, apan unya masabtan ra nako ang tanan, ingon nga ang tanan kanako nasabtan.

Cross References

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Job 19:26

Ug human malaglag sa ingon ang akong panit, unya gikan sa akong unod makita nako ang Dios;

Job 36:26

Tan-awa, ang Dios gamhanan ug kita wala makaila kaniya; ang gidaghanon sa iyang katuigan dili matukib.

Exodo 33:11

Busa naandan sa Ginoo ang pagpakigsulti kang Moises sa nawong ug nawong sama sa usa ka tawo nga makigsulti sa iyang higala. Sa diha nga si Moises mobalik ngadto sa kampo, ang iyang kaabag nga si Josue nga anak ni Nun, usa ka batan-on, dili mobiya sa Tolda.

Ezequiel 17:2

“Anak sa tawo, pagpagula sa usa ka tigmo, ug pagsulti ug usa ka sambingay ngadto sa panimalay sa Israel,

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Mateo 5:8

“Bulahan ang mga putli ug kasingkasing kay makakita sila sa Dios.

Juan 10:15

sama nga ang Amahan nakaila kanako ug ako nakaila sa Amahan. Ug gitahan nako ang akong kinabuhi alang sa karnero.

Roma 8:18

Giisip nako nga ang mga pag-antos niining panahona karon dili takos itandi sa himaya nga ipadayag ra unya kanato.

1 Mga Taga-Corinto 13:11

Sa bata pa ako, nagsulti ako ingon nga bata, naghunahuna ako ingon nga bata, nangatarungan ingon nga bata apan sa nahamtong na ako, gibiyaan nako ang mga gawi nga binata.

1 Mga Taga-Corinto 8:3

Apan kon ang usa ka tawo nahigugma sa Dios, kining tawhana nailhan sa Dios.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

2 Mga Taga-Corinto 5:7

kay kita naglakaw man pinaagi sa pagtuo, dili pinaagi sa atong panan-aw.

Mga Taga-Filipos 3:12

Dili ingon nga ako nakabaton na niini o nahingpit na kondili nagpadayon ako aron ako makabaton, kay naiya na man ako ni Cristo Jesus.

Santiago 1:23

Kay kon adunay tawo nga naminaw sa pulong ug dili mobuhat niini, mahisama siya sa usa ka tawo nga nagsud-ong sa iyang nawong diha sa salamin,

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

Gipadayag 22:4

Sila magsud-ong sa iyang nawong, ug ang iyang ngalan anha sa ilang mga agtang.