1 Mga Taga-Corinto 12:8

Ang Biblia 2011

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

Cross References

Nehemias 9:20

Ikaw naghatag sa imong maayong Espiritu aron sa pagtudlo kanila ug wala maghikaw sa mana gikan sa ilang baba, ug naghatag kanila sa tubig alang sa ilang kauhaw.

Job 32:8

Apan ang espiritu nga diha sa tawo, ang gininhawa sa Labing Gamhanan, mao ang naghatag kaniya ug panabot.

Salmo 143:10

Tudloi ako sa pagbuhat sa imong kabubut-on, kay ikaw mao ang akong Dios! Himoa nga ang imong maayong Espiritu magtultol kanako sa patag nga agianan.

Exodo 31:3

Ug gipuno nako siya sa Espiritu sa Dios, sa katakos, sa kaalam, sa kahibalo ug sa kahanas sa pagpamuhat ug bisan unsa,

Mga Panultihon 2:6

Kay ang Ginoo maghatag ug kaalam; gikan sa iyang baba mogula ang kahibalo ug pagpanabot;

Isaias 50:4

Ang Ginoong Dios naghatag kanako sa dila niadtong mga tinudloan, aron mahibalo ako unsaon paglig-on pinaagi sa pulong kaniya nga gikapoyan. Matag buntag siya nagpukaw sa akong igdulungog aron sa pagpamati, sama kanila nga mga gitudloan.

Isaias 59:21

“Ug alang kanako, kini mao ang akong kasabotan uban kanila, nag-ingon ang Ginoo: ang akong Espiritu nga anaa sa ibabaw nimo, ug ang akong mga pulong nga akong gibutang sa imong baba, dili mobulag gikan sa imong baba, o gikan sa baba sa imong mga anak, o gikan sa baba sa mga anak sa imong mga anak, nag-ingon ang Ginoo, sukad karon ug hangtod sa kahangtoran.”

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Mateo 13:11

Mitubag siya nga nag-ingon, “Tungod kay kaninyo gitugot ang pagkahibalo sa mga tinago sa gingharian sa langit apan kanila wala kini itugot.

Mga Buhat 6:3

Busa, mga igsoon, pagpili kamo ug pito ka tawo diha kaninyo nga mga namatud-an, puno sa Espiritu ug sa kaalam nga atong tugyanan niining maong buluhaton.

Roma 15:14

Nagtuo gayod ako mahitungod kaninyo, akong mga igsoon, nga kamo puno sa pagkamaayo, napuno sa tanang kahibalo ug may katakos sa pagtambag sa usa ug usa.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 1:5

tungod kay diha kaniya kamo nahimong adunahan sa tanang mga butang, sa tanang pagpamulong ug sa tanang kahibalo.

1 Mga Taga-Corinto 13:2

Ug kon ako adunay gahom pagpropesiya, ug makasabot sa tanang mga misteryo ug sa tanang kahibalo, ug kon ako adunay hingpit nga pagtuo nga makapabalhin ug mga bukid, apan walay gugma, ako walay kapuslanan.

1 Mga Taga-Corinto 13:8

Ang gugma dili gayod matapos apan ang mga pagpropesiya mahanaw, ang mga pinulongan mahunong, ang kahibalo mahanaw.

1 Mga Taga-Corinto 14:26

Busa unsa man, mga igsoon? Inigtigom ninyo, ang matag-usa andam na nga may alawiton, may pagtulun-an, may pinadayag, may laing pinulongan, o hubad sa kahulogan niini. Ipahimo ang tanan alang sa pagpalig-on.

1 Mga Taga-Corinto 14:6

Karon, mga igsoon, kon moanha ako kaninyo nga magsulti ug laing pinulongan, unsa may inyong makuha kanako gawas kon magsulti ako kaninyo diha sa pagpadayag, o kahibalo o propesiya o pagtulun-an?

1 Mga Taga-Corinto 2:11

Kay kinsa bang tawhana ang nasayod mahitungod sa tawo gawas sa espiritu sa tawo nga anaa kaniya. Sa ingon niana usab, walay bisan usa nga makasabot mahitungod sa Dios gawas sa Espiritu sa Dios.

1 Mga Taga-Corinto 2:16

“Kay kinsa ba ang nakasabot sa hunahuna sa Ginoo aron motudlo kaniya?” Apan atong nabatonan ang hunahuna ni Cristo.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:6

Ug bisan ako dili batid nga mamumulong, apan sa kahibalo wala ako makulangi, hinuon sa tanang paagi kini gipakita na namo kaninyo diha sa tanang mga butang.

2 Mga Taga-Corinto 2:14

Apan salamat sa Dios nga nagmando kanato kanunay pinaagi kang Cristo ngadto sa kadaogan, ug ang kahumot sa kahibalo mahitungod kaniya gipadayag pinaagi kanato ngadto sa tanang dapit.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

2 Mga Taga-Corinto 6:6

sa kaputli, sa kahibalo, sa pagpailob, sa pagkamaluluy-on, sa Espiritu Santo, sa matuod nga gugma,

2 Mga Taga-Corinto 8:7

Apan ingon nga milabaw kamo sa tanang butang, sa pagtuo, sa pagpamulong, sa kahibalo, sa hingpit nga pagkamatinud-anon, ug sa inyong gugma alang kanamo, molabaw usab unta kamo niining maong grasya.