1 Mga Taga-Corinto 12:18

Ang Biblia 2011

Apan karon, ang mga bahin gipahimutang sa Dios diha sa lawas, ang matag usa kanila sumala sa iyang gikahimut-an.

Cross References

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Salmo 135:6

Bisan unsa ang gikahimut-an sa Ginoo, iyang gibuhat, didto sa langit ug dinhi sa yuta, diha sa kadagatan ug sa tanang mga kahiladman.

Isaias 46:10

nagpahayag sa kataposan gikan sa sinugdan, ug gikan sa karaang mga panahon mga butang nga wala pa mahimo, nga nag-ingon, ‘Ang akong tambag magpadayon, ug himoon nako ang tanan nakong katuyoan,’

Jonas 1:14

Busa sila mituaw ngadto sa Ginoo, “Nangamuyo kami kanimo, O Ginoo, ayaw itugot nga kami mangamatay tungod sa kinabuhi niining tawhana, ug ayaw ipahamtang kanamo ang dugo nga walay sala, kay ikaw, O Ginoo, nagbuhat sumala sa imong gikahimut-an.”

Lucas 10:21

Niadtong maong higayon si Jesus nalipay diha sa Espiritu Santo ug miingon, “Nagpasalamat ako kanimo, Amahan, Ginoo sa langit ug sa yuta, nga imong gitago kining mga butanga gikan sa mga maalamon ug sa mga hait ug salabotan, ug gipadayag nimo ngadto sa mga masusong bata. Oo, Amahan, kay kana mao ang imong maluluy-ong pagbuot.

Lucas 12:32

“Ayaw kahadlok, gamayng panon, kay gikahimuot sa inyong Amahan ang paghatag kaninyo sa gingharian.

Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

Roma 12:6

Ug kay nabatonan man nato ang espirituhanong mga hiyas nga nagkalainlain sumala sa grasya nga gihatag kanato, kinahanglan nga gamiton nato kini: kon pagpropesiya, sumala sa gidak-on sa pagtuo;

1 Mga Taga-Corinto 12:11

Kining tanan naglihok pinaagi sa usa ug mao ra nga Espiritu nga nag-apod-apod niini ngadto sa matag usa sumala sa iyang kabubut-on.

1 Mga Taga-Corinto 12:17

Kon ang tibuok lawas mata, asa na man ang pagpaminaw? Kon ang tanan pagpaminaw, asa na man ang pagpanimhot?

1 Mga Taga-Corinto 12:19

Kon ang tanan usa ra ka bahin, hain man niini ang lawas?

1 Mga Taga-Corinto 12:24

nga wala kinahanglana sa atong mga matahom nga bahin. Apan ang lawas gipahiangay sa Dios pinaagi sa paghatag ug dugang pasidungog niadtong nakulangan

1 Mga Taga-Corinto 12:28

Ug diha sa iglesia gipahimutang sa Dios una sa tanan ang mga apostoles, ikaduha ang mga propeta, ikatulo ang mga magtutudlo, unya ang mga tighimo ug mga milagro, unya ang mga gasa sa pag-ayo ug masakiton, pagtabang, pagdumala ug pagsulti ug nagkalainlaing pinulongan.

1 Mga Taga-Corinto 15:38

Apan ang Dios mao ang maghatag niini ug lawas sumala sa iyang pagbuot, ug ang matag matang sa liso sumala sa kaugalingong lawas niini.

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

Mga Taga-Efeso 1:5

siya nagbuot nang daan nga kita mahimo niyang mga anak pinaagi kang Jesu-Cristo, sumala sa tuyo sa iyang kabubut-on,

Mga Taga-Efeso 1:9

iyang gipahibalo kanato ang tinago mahitungod sa iyang kabubut-on, sumala sa iyang maayong tuyo nga gilaraw niya diha kang Cristo

Gipadayag 4:11

“Takos ikaw, O among Ginoo ug Dios, sa pagdawat sa himaya ug dungog ug gahom, kay ikaw mao man ang nagbuhat sa tanang butang, ug pinaagi sa imong kabubut-on mitungha ug nangahimo sila.”