1 Mga Taga-Corinto 12:11

Ang Biblia 2011

Kining tanan naglihok pinaagi sa usa ug mao ra nga Espiritu nga nag-apod-apod niini ngadto sa matag usa sumala sa iyang kabubut-on.

Cross References

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Mateo 11:26

Oo, Amahan, kay kini mao man ang imong gikahimut-an.

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Juan 3:27

Si Juan mitubag, “Walay tawo nga makadawat ug bisan unsa gawas sa ihatag kaniya gikan sa langit.

Juan 3:8

Ang hangin mohuros ngadto sa buot niyang padulngan, ug mabati nimo ang tingog niini apan dili nimo mahibaloan diin kini gikan o asa kini padulong. Ingon usab niana ang tanan nga gipakatawo sa Espiritu.”

Juan 5:21

Kay ingon nga ang Amahan nagbanhaw sa mga patay ug naghatag kanila ug kinabuhi, ang Anak usab naghatag ug kinabuhi kang bisan kinsa nga buot niyang hatagan.

Roma 12:6

Ug kay nabatonan man nato ang espirituhanong mga hiyas nga nagkalainlain sumala sa grasya nga gihatag kanato, kinahanglan nga gamiton nato kini: kon pagpropesiya, sumala sa gidak-on sa pagtuo;

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

1 Mga Taga-Corinto 12:18

Apan karon, ang mga bahin gipahimutang sa Dios diha sa lawas, ang matag usa kanila sumala sa iyang gikahimut-an.

1 Mga Taga-Corinto 12:4

Adunay nagkalainlaing mga gasa apan mao ra nga Espiritu

1 Mga Taga-Corinto 12:6

Adunay nagkalainlaing kalihokan apan mao ra nga Dios ang nagpalihok niining tanan diha sa matag usa.

1 Mga Taga-Corinto 7:17

Hinuon kinahanglang magkinabuhi ang matag usa sumala sa gibahin sa Dios sa matag usa, sumala sa pagtawag sa Ginoo sa matag usa. Busa ako nagmando diha sa tanang iglesia.

1 Mga Taga-Corinto 7:7

Hinuon buot ako nga ang tanang tawo mahisama unta kanako. Apan ang matag usa adunay iyang kaugalingong hiyas gikan sa Dios, ang usa alang sa usa ka matang ug ang usa alang sa lain.

2 Mga Taga-Corinto 10:13

Apan kami dili magpasigarbo lapaw sa sukod kondili sumala sa sukod nga gibahin sa Dios kanamo, sa sukod nga moabot bisan hangtod kaninyo.

Mga Taga-Efeso 1:11

Diha kang Cristo, kita gipili nga mahimong panulundon nga gibut-an nang daan sumala sa katuyoan niya nga naghimo diha sa tanang mga butang sumala sa katuyoan sa iyang kabubut-on

Mga Taga-Efeso 4:7

Apan ang grasya gihatag ngadto sa matag usa kanato sumala sa sukod sa gasa nga gikan ni Cristo.

Mga Hebreo 2:4

Ug ang Dios usab nagsaksi niini pinaagi sa mga ilhanan ug mga katingalahan ug sa nagkalainlaing mga milagro, ug pinaagi usab sa mga gasa sa Espiritu Santo nga giapod-apod sumala sa iyang kabubut-on.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.