1 Mga Taga-Corinto 11:7

Ang Biblia 2011

Dili kinahanglan sa lalaki nga magtabon sa iyang ulo kay dagway ug himaya man siya sa Dios, apan ang babaye mao ang himaya sa lalaki.

Cross References

Genesis 3:16

Ngadto sa babaye miingon siya, “Padaghanon nako pag-ayo ang kasakit sa imong pagpanamkon ug sa kasakit ikaw magpahimugso ug mga anak, apan mangandoy gihapon ikaw sa imong bana ug siya magbuot kanimo.”

Genesis 5:1

Mao kini ang talaan sa mga kaliwat ni Adan. Sa diha nga gibuhat sa Dios ang tawo, gibuhat niya siya sumala sa dagway sa Dios.

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Salmo 8:6

Gihatagan nimo siya ug gahom sa pagdumala sa mga binuhat sa imong mga kamot; ang tanan gibutang nimo ilalom sa iyang mga tiil,

Mga Panultihon 12:4

Ang maayo nga asawa purongpurong sa iyang bana, apan ang nagdala ug kaulawan sama sa pagkadunot sa iyang mga bukog.

1 Mga Taga-Corinto 11:3

Apan buot nako nga inyong sabton nga ang ulo sa matag lalaki mao si Cristo ug ang ulo sa babaye mao ang iyang bana ug ang ulo ni Cristo mao ang Dios.

1 Mga Taga-Corinto 11:6

Kay kon ang babaye dili magtabon sa iyang ulo, magpaupaw na lang siya; apan kon makauulaw man alang sa babaye nga upaw o kiniskisan, papandongi ang iyang ulo.

2 Mga Taga-Corinto 8:23

Mahitungod kang Tito, siya ang akong katambayayong ug kauban nga magbubuhat alang kaninyo. Ug mahitungod sa ubang mga igsoon, sila mga pinadala gikan sa mga iglesia, himaya alang kang Cristo.

Santiago 3:9

Pinaagi sa dila gidayeg nato ang Ginoo ug Amahan, ug pinaagi niini gitunglo nato ang mga tawo nga binuhat sumala sa dagway sa Dios.