1 Mga Taga-Corinto 11:32

Ang Biblia 2011

Hinuon, sa diha nga hukman kita sa Ginoo, kita gipanton aron kita dili silotan uban sa kalibotan.

Cross References

2 Samuel 7:14

Ako mahimo nga iyang amahan, ug siya mahimong akong anak. Kon siya magbuhat ug sala, ako siyang kastigohon pinaagi sa bunal sa sungkod sa mga tawo ug sa mga hampak sa anak sa mga tawo.

Salmo 118:18

Gipanton ako sa Ginoo sa hilabihan gayod, apan wala ako niya itugyan ngadto sa kamatayon.

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Jeremias 7:28

Ug imong isulti kanila, ‘Kini mao ang nasod nga wala motuman sa tingog sa Ginoo nga ilang Dios, ug wala modawat ug pagpanton; ang kamatuoran nawagtang; gipahimulag kini gikan sa ilang mga ngabil.

Sofonias 3:2

Siya dili mamati ug sulti, dili modawat ug pagbadlong, wala siya mosalig sa Ginoo, wala siya moduol sa iyang Dios.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Roma 5:16

Ug ang gasa nga walay bayad dili sama sa sangpotan sa sala niadtong usa ka tawo. Kay ang hukom niadtong usa ka paglapas nagdala ug silot, apan ang walay bayad nga gasa alang sa daghang kasal-anan nagdala ug pagmatarong.

1 Mga Taga-Corinto 1:20

Hain na man ang maalamon? Hain na man ang eskriba? Hain na man ang tiglantugi niining panahona? Wala ba himoang binuang sa Dios ang kaalam sa kalibotan?

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

1 Mga Taga-Corinto 11:30

Mao kana ang hinungdan ngano nga daghan kaninyo ang luya ug mga masakiton, ug ang uban nangamatay.

1 Mga Taga-Corinto 11:31

Apan kon kita nakasusi sa atong kaugalingon, kita dili na hukman.

1 Mga Taga-Corinto 11:33

Busa, mga igsoon ko, sa dihang magtigom kamo aron sa pagpangaon, paghinulatay kamo;

Deuteronomio 8:5

Ug hibaloi ninyo diha sa inyong kasingkasing nga sama nga ang tawo magpanton sa iyang anak, ang Ginoo nga inyong Dios magpanton usab kaninyo.

1 Timoteo 1:20

Ang uban kanila mao sila si Himeneo ug si Alejandro nga akong gitugyan ngadto kang Satanas aron makakat-on sila sa dili na pagpasipala.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.