1 Mga Taga-Corinto 11:30

Ang Biblia 2011

Mao kana ang hinungdan ngano nga daghan kaninyo ang luya ug mga masakiton, ug ang uban nangamatay.

Cross References

Exodo 15:26

Siya miingon, “Kon mamati gayod kamo pag-ayo sa tingog sa Ginoo nga inyong Dios ug magbuhat sa unsay matarong sa iyang mga mata, ug magpatalinghog sa iyang mga sugo ug magtuman sa tanan niyang mga lagda, walay bisan unsang sakit nga ipahamtang nako kaninyo nga akong gipahamtang sa mga Ehiptohanon kay ako mao ang Ginoo nga nag-ayo kaninyo.”

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Numeros 20:12

Ug ang Ginoo miingon kang Moises ug kang Aaron, “Tungod kay wala man kamo motuo kanako aron mabalaan ako sa mga mata sa katawhan sa Israel, tungod niini dili ninyo madala kini nga katilingban ngadto sa yuta nga akong gihatag kanila.”

Numeros 20:24

“Si Aaron itipon na sa iyang katawhan, kay dili siya makasulod sa yuta nga akong gihatag sa katawhan sa Israel, tungod kay nagmasupilon kamo sa akong pulong didto sa katubigan sa Meriba.

Mga Buhat 13:36

Kay si David, human siya makaalagad sa katuyoan sa Dios diha sa iyang kaugalingong kaliwatan, namatay ug gilubong uban sa iyang mga katigulangan ug nakasinati ug pagkadunot.

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

1 Mga Taga-Corinto 11:29

Kay si bisan kinsa nga mokaon ug moinom sa walay pag-ila sa lawas sa Ginoo, nagkaon ug nag-inom ug hukom batok sa iyang kaugalingon.

1 Mga Taga-Corinto 11:31

Apan kon kita nakasusi sa atong kaugalingon, kita dili na hukman.

1 Mga Taga-Corinto 11:32

Hinuon, sa diha nga hukman kita sa Ginoo, kita gipanton aron kita dili silotan uban sa kalibotan.

1 Mga Taga-Corinto 15:51

Pamati, isulti nako kaninyo ang usa ka tinago. Dili kitang tanan mangamatay, apan kitang tanan mangausab,

1 Mga Taga-Tesalonica 4:14

Kay kon kita nagtuo nga si Cristo namatay ug nabanhaw, mao usab sila nga mga nangamatay, dad-on ra unya sa Dios pinaagi kang Jesus uban kaniya.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.