1 Mga Taga-Corinto 11:22

Ang Biblia 2011

Wala ba kamoy mga balay diin adto kamo mokaon ug moinom? O buot ba ninyong tamayon ang iglesia sa Dios ug pakaulawan ang mga kabos? Unsa may akong isulti kaninyo? Dayegon ko ba kamo? Dili gayod ako modayeg niini.

Cross References

Mga Panultihon 17:5

Siya nga magyubit sa kabos nagtamay sa iyang Magbubuhat; ang malipay sa katalagman dili mahimo nga dili silotan.

Mga Buhat 20:28

Bantayi ninyo ang inyong kaugalingon ug ang tibuok pundok, nga niini ang Espiritu Santo naghimo kaninyong mga tinugyanan, sa pag-atiman sa iglesia sa Dios nga iyang nabatonan pinaagi sa dugo sa iyang kaugalingong Anak.

1 Mga Taga-Corinto 10:32

Ayaw ninyo hatagi ug kapandolan ang mga Judio o ang mga Grego o ang iglesia nga iya sa Dios,

1 Mga Taga-Corinto 11:17

Apan niining mga sugo, dili ako modayeg kaninyo, tungod kay kamo magtigom dili alang sa dugang nga kaayohan, kondili alang sa dugang nga kadaot.

1 Mga Taga-Corinto 11:2

Gidayeg ko kamo tungod sa inyong paghinumdom kanako sa tanang paagi ug sa paghupot sa gikabiling mga pagtulun-an ingon sa akong pagbilin kaninyo.

1 Mga Taga-Corinto 11:34

kon aduna may gigutom, adto siya pakan-a sa iyang balay; aron sa inyong pagtigom dili kamo hukman ug silot. Mahitungod sa uban pang mga butang, kini akong husayon inig-anha nako.

1 Mga Taga-Corinto 15:9

Kay ako ang labing ubos sa tanang mga apostoles, nga dili gani takos tawgon nga apostol tungod kay akong gilutos ang iglesia sa Dios.

1 Timoteo 3:15

kon malangan man ako, ikaw mahibalo na unsaon sa paggawi diha sa sulod sa panimalay sa Dios nga mao ang iglesia sa buhi nga Dios, ang haligi ug patukoranan sa kamatuoran.

1 Timoteo 3:5

kay kon ang usa ka tawo dili makahibalong magdumala sa iyang kaugalingong panimalay, unsaon man niya sa pag-atiman sa iglesia sa Dios?