1 Mga Taga-Corinto 11:17

Ang Biblia 2011

Apan niining mga sugo, dili ako modayeg kaninyo, tungod kay kamo magtigom dili alang sa dugang nga kaayohan, kondili alang sa dugang nga kadaot.

Cross References

Mga Panultihon 27:5

Maayo pa ang pagbadlong sa dayag kay sa gugma nga tinago.

Levitico 19:17

“Ayaw pagdumot sa imong igsoon diha sa imong kasingkasing. Badlonga ang imong isigkatawo, kay tingali unya ug magpas-an ikaw ug sala tungod kaniya.

Roma 13:3

Kay ang mga namunoan dili kahadlokan sa maayo ug binuhatan, kondili sa daotan. Buot ba ikaw nga dili mahadlok kaniya nga anaa sa kagahom? Buhata ang maayo ug dayegon ikaw tungod niana,

1 Mga Taga-Corinto 11:2

Gidayeg ko kamo tungod sa inyong paghinumdom kanako sa tanang paagi ug sa paghupot sa gikabiling mga pagtulun-an ingon sa akong pagbilin kaninyo.

1 Mga Taga-Corinto 11:20

Busa sa dihang magtigom kamo, ang inyong gikaon dili na panihapon sa Ginoo.

1 Mga Taga-Corinto 11:22

Wala ba kamoy mga balay diin adto kamo mokaon ug moinom? O buot ba ninyong tamayon ang iglesia sa Dios ug pakaulawan ang mga kabos? Unsa may akong isulti kaninyo? Dayegon ko ba kamo? Dili gayod ako modayeg niini.

1 Mga Taga-Corinto 11:34

kon aduna may gigutom, adto siya pakan-a sa iyang balay; aron sa inyong pagtigom dili kamo hukman ug silot. Mahitungod sa uban pang mga butang, kini akong husayon inig-anha nako.

1 Mga Taga-Corinto 14:23

Busa, kon ang tibuok nga iglesia magtigom ug ang tanan magsulti ug laing mga pinulongan, ug unya mosulod ang mga wala kahibalo o ang mga dili magtutuo, dili ba sila mosulti nga kamo nangabuang?

1 Mga Taga-Corinto 14:26

Busa unsa man, mga igsoon? Inigtigom ninyo, ang matag-usa andam na nga may alawiton, may pagtulun-an, may pinadayag, may laing pinulongan, o hubad sa kahulogan niini. Ipahimo ang tanan alang sa pagpalig-on.

Mga Hebreo 10:25

sa walay pagbiya sa atong panagtigom, ingon sa gibuhat sa pipila, hinuon magdinasigay kita sa usa ug usa ug ilabina gayod sa makita na ninyo nga ang Adlaw nagkaduol na.

1 Pedro 2:14

o sa mga gobernador nga iyang pinadala aron sa pagsilot niadtong nagbuhat ug daotan, ug sa pagdayeg niadtong nagbuhat ug maayo.