1 Mga Taga-Corinto 10:7

Ang Biblia 2011

Ayaw kamo pagsimba sa mga diosdios sama sa uban kanila; kay sumala sa nasulat, “Ang katawhan nanglingkod aron sa pagkaon ug pag-inom, ug nanindog aron sa pagsayaw.”

Cross References

Exodo 32:17

Sa diha nga nadungog ni Josue ang kaguliyang sa katawhan samtang sila nagsinggit, siya miingon kang Moises, “Adunay kagahob sa gubat diha sa kampo.”

Exodo 32:19

Ug sa dihang nagkaduol siya sa kampo ug nakita niya ang nating baka ug ang mga pagsayaw, misilaob ang kasuko ni Moises, ug gisalibay niya ang mga papan gikan sa iyang mga kamot ug nadugmok kini sa tiilan sa bukid.

Exodo 32:4

Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

1 Mga Taga-Corinto 10:14

Tungod niini, akong mga hinigugma, likayi ninyo ang pagsimba ug mga diosdios.

1 Mga Taga-Corinto 5:11

Apan karon ako nagsulat kaninyo nga dili kamo makigkauban kang bisan kinsa nga nagpakaigsoon nga makihilawason o hakog o tigsimbag mga diosdios o tigpasipala o palahubog o tikasan, dili gayod bisan sa pagpakigsalo kaniya sa pagpangaon.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

1 Mga Taga-Corinto 8:7

Apan dili ang tanan aduna niining maong kahibalo. Hinuon, tungod sa ilang pagkaanad sa mga diosdios hangtod karon, adunay pipila nga nangaon ingon nga kini gihalad gayod ngadto sa diosdios. Ug busa ang ilang tanlag nahugawan, tungod kay kini huyang man.

Deuteronomio 9:12

Unya ang Ginoo miingon kanako, ‘Tindog, pagdali ug lugsong gikan dinhi kay ang imong katawhan nga imong gikuha gikan sa Ehipto nagbuhat ug daotan. Dali silang mitipas gikan sa dalan nga akong gisugo, nagbuhat sila alang sa ilang kaugalingon ug usa ka larawan nga tinunaw.’

1 Juan 5:21

Mga anak, likayi ninyo ang mga diosdios.