1 Mga Taga-Corinto 10:22

Ang Biblia 2011

O, hagiton ba nato ang Ginoo sa pagpangabubho? Labaw pa ba kita ka kusgan kay kaniya?

Cross References

1 Mga Hari 14:22

Ang Juda naghimo ug daotan diha sa panan-aw sa Ginoo ug gihagit nila siya sa pagpangabubho tungod sa ilang mga sala nga ilang nahimo, labaw pa sa tanan nga nahimo sa ilang katigulangan.

Job 9:4

Siya maalamon sa kasingkasing ug gamhanan sa kusog, kinsa ang nagpagahi sa iyang kaugalingon batok kaniya ug nagmalamposon?

Salmo 78:58

Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 34:14

Kay kinahanglan nga dili kamo magsimba ug lain nga mga dios kay ang Ginoo, nga ang kinsang ngalan Abubhoan, abubhoan nga Dios,

Ecclesiastes 6:10

Bisan unsa nga anaa nanganlan na, ug nasayran na kon unsa ang tawo ug nga dili siya makahimo sa pagsukol niadtong kusgan pa kay kaniya.

Isaias 45:9

“Pagkaalaot niya nga nakiglalis sa iyang Magbubuhat, ang sudlanan nga yuta ngadto sa magkukulon! Mosulti ba ang yutang kulonon ngadto sa nagbuhat kaniya, ‘Unsay imong gibuhat?’ o ‘Ang imong gihimo walay kuptanan?’

Jeremias 44:8

Ngano nga gihagit ninyo ako sa pagkasuko pinaagi sa mga buhat sa inyong mga kamot, sa pagsunog ug insenso ngadto sa laing mga dios didto sa yuta sa Ehipto diin miadto kamo aron sa pagpuyo aron ba kamo mahimulag ug mahimong usa ka tunglo ug usa ka pagtamay sa taliwala sa tanang mga nasod sa yuta?

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Ezequiel 22:14

Makasugakod ba ang imong kaisog o makusgan ba ang imong mga kamot sa mga adlaw nga ako magsilot kanimo? Ako, ang Ginoo nagsulti, ug tumanon nako kini.

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.

Deuteronomio 32:16

Gipasilaob nila siya diha sa pagpangabubho tungod sa laing mga dios; ilang gipasuko siya sa mga dulumtanang buhat.

Deuteronomio 32:21

Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.

Deuteronomio 4:24

Kay ang Ginoo nga inyong Dios mao ang kalayo nga nag-ut-ot, usa ka Dios nga abubhoan.

Deuteronomio 6:15

Kay ang Ginoo nga iyong Dios sa taliwala ninyo abubhoan nga Dios. Tingali unya ug ang kapungot sa Ginoo nga inyong Dios mosilaob batok kaninyo ug siya maglaglag kaninyo gikan sa nawong sa yuta.

Mga Hebreo 10:31

Makalilisang gayod ang pagkahulog ngadto sa mga kamot sa buhi nga Dios.

Josue 24:19

Apan si Josue miingon sa katawhan, “Dili kamo makaalagad sa Ginoo kay siya balaan nga Dios. Siya Dios nga abubhoan; siya dili mopasaylo sa inyong mga kalapasan o sa inyong mga kasal-anan.