1 Mga Taga-Corinto 10:16

Ang Biblia 2011

Ang kupa sa pasalamat nga atong gipasalamatan, dili ba kini pagpakig-ambit sa dugo ni Cristo? Ang pan nga atong gipikaspikas, dili ba kini pagpakig-ambit man sa lawas ni Cristo?

Cross References

Lucas 22:17

Ug siya mikuha ug kupa, ug sa nakapasalamat na siya, miingon siya, “Dawata ug bahinbahina kini ninyo,

Mga Buhat 2:42

Sila migahin sa ilang kaugalingon sa mga pagtudlo sa mga apostoles, ug sa pagpakig-ambitay, sa pagpikaspikas sa pan ug diha sa mga pag-ampo.

Mga Buhat 2:46

Unya matag adlaw sa mag-usa sila pagtambong didto sa Templo, ug sa pagpikaspikas sa pan diha sa ilang kabalayan, nagsalo sila sa pagpangaon nga may kasadya ug manggihatagon nga mga kasingkasing,

Mga Buhat 20:11

Ug sa nakasaka na si Pablo ug nakapikaspikas sa pan ug nakakaon, siya nakigsulti kanila ug dugay hangtod sa pagkakaadlawon, ug unya migikan siya.

Mga Buhat 20:7

Sa unang adlaw sa semana, sa natigom kami aron sa pagpikaspikas sa pan, si Pablo nga may tuyo sa paggikan sa pagkasunod adlaw, nakigsulti kanila ug iyang gitaas ang iyang pakigpulong hangtod sa tungang gabii.

1 Mga Taga-Corinto 1:9

Ang Dios kasaligan, pinaagi kaniya kamo gitawag ngadto sa pakig-ambitay sa iyang Anak nga si Jesu-Cristo nga atong Ginoo.

1 Mga Taga-Corinto 10:15

Ako nagsulti kaninyo ingon nga mga tawong maalamon; hukmi ninyo unsay akong isulti.

1 Mga Taga-Corinto 12:13

Kay pinaagi sa usa ka Espiritu kitang tanan, mga Judio o mga Grego, mga ulipon o mga gawasnon, gibautismohan ngadto sa usa ka lawas ug kitang tanan gipainom sa usa ka Espiritu.

Mga Hebreo 3:14

Kay kita nahimong mga mag-aambit kang Cristo, kon ang atong unang pagsalig padayonon gayod nato pagkupot nga malig-on hangtod sa kataposan,

1 Juan 1:3

unsay among nakita ug nadungog among gisangyaw kaninyo, aron kamo usab makabaton sa pakig-ambitay uban kanamo; ug ang atong pakig-ambitay uban sa Amahan ug sa iyang Anak nga si Jesu-Cristo.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.