1 Mga Taga-Corinto 10:13

Ang Biblia 2011

Walay pagsulay nga miabot kaninyo nga wala masinati sa tawo. Ang Dios kasaligan, ug dili niya itugot nga kamo sulayon labaw sa inyong masarangan, apan uban sa pagsulay siya magtagana usab ug lutsanan, aron makasugakod kamo niini.

Cross References

Salmo 124:7

Nakaikyas kita sama sa langgam nga gikan sa lit-ag sa mga mangangayam; ang lit-ag nabungkag, ug kita nakalingkawas!

Salmo 125:3

Kay ang setro sa pagkadaotan dili magpabilin sa yuta nga gigahin alang sa mga matarong, kay tingali unya ug ang mga matarong mobakyaw sa ilang mga kamot sa pagbuhat ug sayop.

Salmo 36:5

Ang imong gugmang walay paglubad, O Ginoo, miabot ngadto sa kalangitan, ang imong pagkamatinumanon ngadto sa kapanganoran.

Salmo 89:33

apan dili nako kuhaon ang akong gugmang walay paglubad gikan kaniya, o pakyason ang akong pagkamatinumanon.

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Isaias 11:5

Ang pagkamatarong mao ang bakos sa iyang hawak, ug ang pagkamatinumanon mao ang bakos sa iyang lawas.

Isaias 25:1

O Ginoo, ikaw mao ang akong Dios; pasidunggan ko ikaw, dayegon nako ang imong ngalan; kay naghimo ikaw ug mga butang nga katingalahan, mga laraw sa dugay na nga panahon, kasaligan ug matuod.

Isaias 49:7

Mao kini ang giingon sa Ginoo, ang Manunubos sa Israel ug ang iyang Balaan, kaniya nga gitamay pag-ayo, gikayugtan sa mga nasod, usa ka sulugoon sa mga pangulo, “Ang mga hari makakita ug manindog, mga pangulo, ug sila mangyukbo, tungod sa Ginoo nga matinumanon, ang Balaan sa Israel nga maoy nagpili kanimo.”

Jeremias 12:5

“Kon ikaw nakiglumba sa mga tawo nga manglakaw ug sila nakapakapoy kanimo, unsaon man nimo pagpakiglumba sa mga kabayo? Ug kon diha sa yuta nga walay kakuyaw ikaw mapukan, unsa may imong mahimo diha sa kalasangan sa Jordan?

Jeremias 29:11

Kay ako nahibalo sa akong mga laraw alang kaninyo, nag-ingon ang Ginoo, mga laraw sa kaayohan ug dili sa kadaotan, sa paghatag kaninyo ug kaugmaon ug paglaom.

Mga Pagbangotan 3:23

bag-o kini matag buntag; dako ang imong pagkamatinumanon.

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Oseas 2:20

Pangasaw-on ko ikaw diha sa pagkamatinumanon ug ikaw makaila sa Ginoo.

Mateo 6:13

ug ayaw kami itugyan sa pagsulay kondili luwasa kami gikan sa daotan.

Lucas 11:4

Ug pasayloa kami sa among mga sala, kay kami usab nagpasaylo man sa tanang nakautang kanamo, ug ayaw kami itugyan ngadto sa pagsulay.”

Lucas 16:26

Ug gawas pa niining tanan, taliwala kanamo ug kaninyo adunay usa ka dakong bung-aw aron nga sila nga buot molabang gikan diri nganha kaninyo dili makahimo ug nga walay si bisan kinsa nga makalabang gikan diha ngari kanamo.’

Lucas 22:46

ug siya miingon kanila, “Nganong natulog man kamo? Bangon ug pag-ampo aron dili kamo mahisulod ngadto sa pagsulay.”

Mga Buhat 27:44

ug ang mga nahibilin nag-abay ug mga tabla o sa mga gubang bahin sa barko. Busa ang tanan nakalingkawas ngadto sa mamala.

1 Mga Taga-Corinto 1:9

Ang Dios kasaligan, pinaagi kaniya kamo gitawag ngadto sa pakig-ambitay sa iyang Anak nga si Jesu-Cristo nga atong Ginoo.

2 Mga Taga-Corinto 1:10

Siya ang nagluwas kanamo gikan sa dakong hulga sa kamatayon magpadayon pagluwas kanamo. Kaniya naglaom kami nga siya moluwas kanamo pag-usab.

Deuteronomio 7:9

Busa hibaloi ninyo nga ang Ginoo nga inyong Dios Dios gayod, ang matinumanon nga Dios nga nagtuman sa kasabotan ug sa gugma nga walay paglubad ngadto sa mga nahigugma kaniya ug nagtuman sa iyang mga sugo ngadto sa usa ka libo ka kaliwatan,

1 Mga Taga-Tesalonica 5:24

Siya nga nagtawag kaninyo kasaligan ug siya magbuhat gayod niini.

2 Mga Taga-Tesalonica 3:3

Apan ang Ginoo kasaligan ug siya maglig-on kaninyo ug magbantay kaninyo gikan sa daotan.

2 Timoteo 4:18

Ang Ginoo magpalingkawas kanako gikan sa tanang buhat nga daotan ug magluwas kanako alang sa iyang langitnong gingharian. Kaniya ang himaya hangtod sa kahangtoran. Amen.

Mga Hebreo 10:23

Sa walay pagsibog pangusgan nato pagkupot ang paglaom sa atong tinuohan, kay kasaligan siya nga nagsaad kanato.

Mga Hebreo 11:11

Tungod sa pagtuo si Sara gayod nakadawat usab ug gahom sa pagsamkon, bisan tuod siya lapas na sa panuigon, kay iya mang giisip nga kasaligan kadtong naghimo sa saad.

Mga Hebreo 12:4

Sa inyong pagpakigbisog batok sa sala, wala pa kamo makigbatok niini hangtod nga nagkadugo na kamo.

Mga Hebreo 6:18

aron nga pinaagi sa duha ka butang nga dili mausab, nga dili gayod mahitabo nga ang Dios mamakak, kita nga mikagiw aron makatago, makabaton unta sa dakong kadasig sa paghupot nianang paglaom nga gibutang sa atong atubangan.

1 Pedro 4:19

Busa sila nga nag-antos sumala sa pagbuot sa Dios kinahanglang magbuhat ug maayo ug magtugyan sa ilang mga kalag ngadto sa usa ka magbubuhat nga kasaligan.

2 Pedro 2:9

ang Ginoo nahibalo gayod unsaon sa pagluwas sa mga tawong diosnon gikan sa mga pagsulay ug sa pagbutang sa mga dili matarong ilalom sa silot hangtod sa adlaw sa paghukom,

1 Juan 1:9

Kon isugid nato ang atong mga sala, siya kasaligan ug matarong nga mopasaylo kanato sa atong mga sala ug maghinlo kanato gikan sa tanang pagkadili matarong.

Gipadayag 19:11

Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 3:10

Tungod kay gituman man nimo ang akong pulong sa pagkamalahutayon, bantayan ko ikaw nga malikay gikan sa takna sa pagsulay nga hapit na moabot sa tibuok kalibotan aron sa pagsulay sa mga nagpuyo sa yuta.

1 Samuel 29:10

Busa bangon ug sayo sa pagkabuntag uban sa mga sulugoon sa imong agalon nga mianhi uban kanimo, ug biya sayo sa pagkabuntag sa diha nga mohayag na.”