1 Mga Taga-Corinto 10:11

Ang Biblia 2011

Karon kining mga butanga nahitabo kanila ingon nga pasidaan ug gisulat alang sa pagtudlo kanato nga maabtan sa kataposan sa kapanahonan.

Cross References

Genesis 19:35

Ug gipainom na usab nila ug bino ang ilang amahan niadtong gabhiona. Ug mibangon ang manghod ug midulog kaniya apan wala siya masayod kanus-a kini midulog kaniya o kanus-a kini mibangon.

Salmo 102:18

Ipasulat kini alang sa kaliwatan nga umaabot, aron ang katawhan nga wala pa mahimugso magdayeg sa Ginoo:

Ezequiel 5:15

Kamo mahimong usa ka kaulawan ug usa ka yubitonon, usa ka pasidaan ug usa ka kalisangan sa mga nasod nga naglibot kaninyo, sa diha nga ipahamtang nako ang mga paghukom kaninyo diha sa kasuko ug sa kaligutgot ug sa mapintas nga mga pagpanton, ako, ang Ginoo, nagsulti niini,

Mateo 13:39

Ug ang kaaway nga nagsabod kanila mao ang yawa, ang ting-ani mao ang kataposan sa kapanahonan ug ang mga tig-ani mao ang mga anghel.

Mateo 13:40

Busa sama nga ang mga sagbot pangibton ug sunogon sa kalayo, mao usab kana ang mahitabo unya sa kataposan sa kapanahonan.

Roma 13:11

Ug gawas pa niini, kamo nahibalo sa takna, nga panahon na alang kaninyo sa pagmata gikan sa pagkatulog kay karon duol na kanato ang kaluwasan kay sa dihang mituo kita.

Roma 13:12

Ang kagabhion hapit na matapos ug ang adlaw nagsingabot na. Busa isalikway nato ang mga buhat sa kangitngit ug isul-ob nato ang mga hinagiban sa kahayag.

Roma 15:4

Kay bisan unsay nasulat kaniadto, gisulat alang sa pagtudlo kanato aron nga pinaagi sa pailob ug pinaagi sa pagdasig gikan sa kasulatan, makabaton unta kita ug paglaom.

Roma 4:23

Apan ang mga pulong, “giisip kaniya,” wala sulata alang kaniya lamang,

1 Mga Taga-Corinto 10:6

Ug kining mga butanga mga pasidaan alang kanato, aron dili kita mangandoy ug mga daotang butang ingon sa ilang gibuhat.

1 Mga Taga-Corinto 7:29

Ang buot nakong ipasabot, mga igsoon, mao nga ang panahon mubo na lang; sukad karon, ang mga may asawa magpakawalay asawa,

1 Mga Taga-Corinto 9:10

Dili ba nagsulti siya niini tungod kanato? Alang kanato kini gisulat aron nga ang magdadaro kinahanglang magdaro diha sa paglaom ug ang maggiok uban sa paglaom nga makaambit sa abot.

Mga Taga-Galacia 4:24

Usa kini ka sambingay: kining mga babayehana mao ang duha ka kasabotan. Ang usa gikan sa Bukid sa Sinai, nagpasanay alang sa kaulipnan, siya mao si Hagar.

Mga Taga-Filipos 4:5

Ang inyong pagkamapailobon ipaila ninyo sa tanang mga tawo. Ang Ginoo duol na.

Mga Hebreo 10:25

sa walay pagbiya sa atong panagtigom, ingon sa gibuhat sa pipila, hinuon magdinasigay kita sa usa ug usa ug ilabina gayod sa makita na ninyo nga ang Adlaw nagkaduol na.

Mga Hebreo 10:37

“Kay sulod sa diyotayng panahon, siya nga taliabot moabot na ug dili maglangan;

1 Juan 2:18

Mga anak, kini karon mao na ang kataposang takna ug sumala sa inyo nang nadungog nga moabot ang kaaway ni Cristo, bisan karon daghan man ang mga kaaway ni Cristo nga nanungha, busa kita nahibalo nga karon mao na ang kataposang takna.