1 Mga Taga-Corinto 1:6

Ang Biblia 2011

Ingon nga ang pagsaksi mahitungod kang Cristo namatud-an diha kaninyo,

Cross References

Marcos 16:20

Ug nanglakaw sila ug nagwali didto sa tanang dapit ug ang Ginoo nagbuhat uban kanila ug nagpamatuod sa pulong pinaagi sa mga ilhanan nga nag-uban niini. Amen.]

Mga Buhat 11:17

Busa kon ang Dios naghatag man kanila ug gasa nga sama sa iyang gihatag kanato sa diha nga mituo na kita sa Ginoong Jesu-Cristo, kinsa man ako nga makapugong sa Dios?”

Mga Buhat 11:21

Ug ang kamot sa Ginoo uban kanila ug daghan ang mituo ug nakabig ngadto sa Ginoo.

Mga Buhat 18:5

Sa pag-abot ni Silas ug ni Timoteo gikan sa Macedonia, si Pablo naggahin na sa tanan niyang panahon sa pagwali, sa pagpamatuod ngadto sa mga Judio nga ang Cristo mao si Jesus.

Mga Buhat 20:21

nga nagpamatuod sa atubangan sa mga Judio ug sa mga Grego mahitungod sa paghinulsol ngadto sa Dios ug sa pagtuo diha sa atong Ginoong Jesu-Cristo.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 22:18

ug nakita nako siya nga nag-ingon kanako, ‘Pagdali ug biya dayon sa Jerusalem kay dili sila modawat sa imong pagsaksi mahitungod kanako.’

Mga Buhat 23:11

Sa pagkasunod gabii, ang Ginoo mitungha kaniya ug miingon, “Pagmaisogon, kay ingon nga nagsaksi ikaw mahitungod kanako dinhi sa Jerusalem, kinahanglan nga magsaksi usab ikaw didto sa Roma.”

Mga Buhat 28:23

Sa dihang nakatakda na sila ug adlaw alang kaniya, daghan sila nga nangadto kaniya sa iyang gipuy-an. Ug sukad sa buntag hangtod sa gabii, iyang gipasabot ang mga butang ngadto kanila nga nagpamatuod sa gingharian sa Dios ug naningkamot nga motuo sila mahitungod kang Jesus pinasikad sa Balaod ni Moises ug sa mga propeta.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

2 Mga Taga-Corinto 12:12

Ang mga ilhanan sa pagka-apostol nahimo sa taliwala ninyo diha sa akong hingpit nga pailob, inubanan sa mga ilhanan ug mga katingalahan ug mga milagro.

Mga Taga-Galacia 3:5

Siya nga naghatag kaninyo sa Espiritu ug nagbuhat sa mga milagro diha kaninyo, naghimo ba kaninyo niini tungod sa mga buhat sa Balaod o tungod ba sa pagpamati uban sa pagtuo?

2 Mga Taga-Tesalonica 1:10

inig-abot unya niya niadtong adlawa aron pasidunggan sa iyang mga balaan ug dayegon sa tanan nga nagtuo, kay gituohan man ang among pagsaksi nganha kaninyo.

1 Timoteo 2:6

nga naghatag sa iyang kaugalingon ingon nga lukat alang sa tanan, nga ang pagpamatuod niini nahimo na sa gitakda nga panahon.

2 Timoteo 1:8

Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios

Gipadayag 1:2

nga nagsaksi sa pulong sa Dios ug sa pagpamatuod ni Jesu-Cristo sa tanan nga iyang nakita.

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.

Gipadayag 12:11

Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon.

Gipadayag 12:17

Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nagtuman sa kasugoan sa Dios ug nagdala ug pagpamatuod mahitungod kang Jesus.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”

Gipadayag 6:9

Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.