1 Mga Taga-Corinto 1:30

Ang Biblia 2011

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

Cross References

Mga Panultihon 1:20

Ang kaalam kusog nga nagsinggit diha sa kadalanan; nagpatugbaw kini sa iyang tingog diha sa mga taboan;

Mga Panultihon 2:6

Kay ang Ginoo maghatag ug kaalam; gikan sa iyang baba mogula ang kahibalo ug pagpanabot;

Mga Panultihon 8:5

O kamo nga mga yano, kat-oni ang pagkamaalamon; O kamong mga buangbuang, pagbaton ug pagpanabot.

Isaias 11:2

Ang Espiritu sa Ginoo mopuyo diha kaniya, ang espiritu sa kaalam ug pagsabot, ang espiritu sa pagtambag ug kagahom, ang espiritu sa kahibalo ug ang kahadlok sa Ginoo.

Isaias 45:17

Apan ang Israel luwason sa Ginoo sa kaluwasan nga walay kataposan; kamo dili pakaulawan o libogon hangtod sa dayon.

Isaias 54:17

walay hinagiban nga gibuhat batok kanimo nga magmalamposon, ug imong pamatud-an nga sayop ang matag dila nga maghukom batok kanimo. Kini mao ang panulundon sa mga sulugoon sa Ginoo, ug ang ilang pagkamatarong nga gikan kanako, nag-ingon ang Ginoo.”

Jeremias 33:16

Nianang mga adlawa, ang Juda maluwas ug ang Jerusalem magpuyo nga layo sa kakuyaw. Ug mao kini ang ngalan nga itawag niini, ‘Ang Ginoo mao ang atong pagkamatarong.’

Daniel 2:20

Si Daniel miingon: “Dalaygon ang ngalan sa Dios hangtod sa kahangtoran, iya ang kaalam ug ang gahom.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Oseas 13:14

Lukaton ba nako sila gikan sa gahom sa Sheol? Tubson ba nako sila gikan sa kamatayon? O kamatayon, hain man ang imong mga hampak? O Sheol, hain man ang imong paglaglag? Ang kaluoy natago gikan sa akong mga mata.

Mateo 1:21

Manganak siya ug usa ka batang lalaki, ug siya imong nganlan ug Jesus, kay siya mao ang moluwas sa iyang katawhan gikan sa ilang mga sala.”

Lucas 11:49

Ug tungod niini ang Kaalam sa Dios nag-ingon, ‘Padad-an ko sila ug mga propeta ug mga apostoles ug ang uban kanila ilang patyon ug lutoson’

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 17:26

Ug ang imong ngalan akong gipaila kanila, ug kini ipaila nako kanila aron nga ang gugma nga imong gihigugma kanako maanaa kanila ug ako maanaa kanila.”

Juan 17:8

kay gihatag man nako kanila ang mga pulong nga imong gihatag kanako, ug gidawat nila kini ug nahibalo sila diha sa kamatuoran nga ako gikan kanimo ug sila nagtuo nga ikaw ang nagpadala kanako.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Roma 1:17

Kay diha niini ang pagkamatarong sa Dios gipadayag pinaagi sa pagtuo ngadto sa pagtuo sumala sa nasulat, “Ang matarong mabuhi pinaagi sa pagtuo.”

Roma 11:36

Kay gikan kaniya ug pinaagi kaniya ug ngadto kaniya mao ang tanang mga butang. Kaniya ang himaya hangtod sa kahangtoran. Amen.

Roma 12:5

mao usab kita, bisan daghan, usa ra kita ka lawas diha kang Cristo, ug ang matag usa kanato kabahin sa usa ug usa.

Roma 16:11

Ipangumosta ako kang Herodion nga akong kadugo. Ipangumosta ako sa mga anaa sa Ginoo nga sakop sa banay ni Narciso.

Roma 16:7

Ipangumosta ako kang Andronico ug kang Junia, mga kauban nako nga binilanggo. Kini sila inila sa mga apostoles, ug sila una pa kanako diha kang Cristo.

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

Roma 4:6

Sa ingon niini usab, si David naghisgot sa pagkabulahan niadtong tawo nga gihimong matarong sa Dios nga walay kalabotan sa mga buhat:

Roma 5:19

Kay ingon nga pinaagi sa pagkamasinupakon sa usa ka tawo daghan ang nahimong makasasala, mao usab nga pinaagi sa pagkamasinugtanon sa usa ka tawo daghan ang gihimong matarong.

Roma 5:21

aron nga kon ang sala naghari pinaagi sa kamatayon, ang grasya usab maghari pinaagi sa katarong ngadto sa kinabuhing dayon pinaagi kang Jesu-Cristo nga atong Ginoo.

Roma 8:1

Busa sila nga anaa kang Cristo Jesus dili na karon mga hinukman.

Roma 8:23

Ug dili lamang ang kabuhatan kondili kita usab gayod nga nakabaton sa unang mga bunga sa Espiritu, nag-agulo sa sulod nato samtang nagpaabot nga sagopon ingon nga mga anak, ang paglukat sa atong mga lawas.

Roma 8:9

Apan kamo wala na diha sa unod kondili anaa sa Espiritu, kon tinuod man nga ang Espiritu sa Dios nagpuyo diha kaninyo. Ang wala magbaton sa Espiritu ni Cristo dili iyaha.

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

1 Mga Taga-Corinto 1:24

Apan alang kanila nga mga tinawag, mga Judio ug mga Grego, si Cristo mao ang gahom sa Dios ug ang kaalam sa Dios.

1 Mga Taga-Corinto 12:18

Apan karon, ang mga bahin gipahimutang sa Dios diha sa lawas, ang matag usa kanila sumala sa iyang gikahimut-an.

1 Mga Taga-Corinto 12:27

Kamo ang lawas ni Cristo ug ang matag usa kaninyo bahin niini.

1 Mga Taga-Corinto 12:8

Ngadto sa usa gihatag ang pulong sa kaalam pinaagi sa Espiritu, ug ngadto sa usa gihatag ang pulong sa kahibalo sumala sa mao ra nga Espiritu;

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

2 Mga Taga-Corinto 12:2

Nakaila ako ug usa ka tawo nga anaa kang Cristo, napulo ug upat ka tuig na karon nga gibayaw ngadto sa ikatulong langit, diha ba sa lawas o sa gawas, wala ako masayod; ang Dios lamang ang nasayod.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Mga Taga-Galacia 1:4

nga mitugyan sa iyang kaugalingon alang sa atong mga sala aron sa pagluwas kanato gikan niining daotan nga kapanahonan karon, sumala sa kabubut-on sa atong Dios ug Amahan.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Mga Taga-Efeso 1:10

ingon nga usa ka laraw nga tumanon inig-abot sa tukma nga panahon, sa paghiusa sa tanang mga butang diha kaniya, mga butang sa langit ug mga butang dinhi sa yuta.

Mga Taga-Efeso 1:14

Siya mao ang pasalig sa atong panulundon hangtod nga makapanag-iya na kita niini, alang sa pagdayeg sa himaya sa Dios.

Mga Taga-Efeso 1:7

Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Efeso 4:30

Ug ayaw ninyo pasub-a ang Espiritu Santo sa Dios, nga pinaagi kaniya gipatikan kamo alang sa adlaw sa pagtubos.

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

Mga Taga-Filipos 3:9

ug makaplagan diha kaniya, dili nga nagbaton ako sa pagkamatarong pinasikad sa Balaod, kondili ang pagkamatarong nga pinaagi sa pagtuo kang Cristo, ang pagkamatarong nga gikan sa Dios nga nagsukad sa pagtuo.

Mga Taga-Colosas 1:14

nga diha kaniya kita nakabaton sa pagkatinubos, sa kapasayloan sa mga sala.

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

1 Mga Taga-Tesalonica 5:23

Ang Dios sa pakigdait magbalaan unta kaninyo sa kinatibuk-an, ug ang inyong bug-os nga espiritu, kalag ug lawas magpabilin unta nga dili masaway inig-abot sa atong Ginoong Jesu-Cristo.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 9:12

siya sa makausa ug sa wala nay pagsubli misulod sa Balaang Dapit, nga nagdala dili sa dugo sa mga kanding ug sa mga nating baka kondili sa iyang kaugalingong dugo ug sa ingon niana nahimo niya ang pagtubos nga dayon.

Santiago 1:5

Kon aduna man kaninyoy nakulangan ug kaalam, papangayoa siya sa Dios nga naghatag nga madagayaon ngadto sa tanang tawo ug sa walay pagpamuyboy, ug kini ihatag kaniya.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

2 Pedro 1:1

Si Simon Pedro, ulipon ug apostol ni Jesu-Cristo, Alang sa mga nakadawat sa pagtuo nga sama ka bililhon sa among pagtuo diha sa pagkamatarong sa atong Dios ug Manluluwas nga si Jesu-Cristo:

1 Juan 5:6

Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero

Gipadayag 5:9

Ug nag-awit sila sa usa ka bag-ong awit nga nag-ingon, “Takos ikaw sa pagkuha sa basahong linukot ug sa pagbukas sa mga silyo niini, kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios, gikan sa tanang kabanayan ug pinulongan ug katawhan ug kanasoran,