1 Mga Taga-Corinto 1:2

Ang Biblia 2011

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

Cross References

Genesis 12:8

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Genesis 4:26

Ug kang Seth usab natawo ang usa ka anak nga lalaki ug gitawag niya ang iyang ngalan nga Enos. Unya ang mga tawo nagsugod sa pagtawag sa ngalan sa Ginoo.

Salmo 45:11

ug ang hari magtinguha sa imong katahom. Kay siya mao ang imong ginoo, yukbo kaniya;

Mga Buhat 10:36

Kini mao ang pulong nga iyang gipadala ngadto sa katawhan sa Israel, sa iyang pagwali sa Maayong Balita sa kalinaw pinaagi kang Jesu-Cristo nga mao ang Ginoo sa tanan.

Mga Buhat 15:9

Ug wala siyay gipalabi tali kanato ug kanila, apan pinaagi sa pagtuo gihinloan ang ilang mga kasingkasing.

Mga Buhat 18:1

Human niini si Pablo mibiya sa Atenas ug miadto sa Corinto.

Mga Buhat 22:16

Ug karon, nganong magpaabot pa man ikaw? Tindog ug pagpabautismo ug hugasi ang imong mga sala, magsangpit sa iyang ngalan.’

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Mga Buhat 9:13

Apan si Ananias mitubag, “Ginoo, nakadungog ako gikan sa daghan mahitungod niining tawhana kon unsa ka daghan sa kadaot nga iyang gibuhat sa imong mga balaan didto sa Jerusalem;

Mga Buhat 9:14

ug dinhi aduna siyay kagahom gikan sa mga pangulong pari sa pagdakop sa tanang nagtawag sa imong ngalan.”

Mga Buhat 9:21

Ug ang tanang nakadungog kaniya nahibulong nga nag-ingon, “Dili ba mao man kining tawhana ang nanglaglag sa mga nagtawag niining ngalana? Ug dili ba ania man siya alang sa maong tuyo, aron sa pagdala kanila nga ginapos ngadto sa atubangan sa mga pangulong pari?”

Roma 1:7

Nganha kaninyong tanan nga anaa sa Roma nga gihigugma sa Dios, gitawag aron mabalaan. Ang grasya maanaa kaninyo ug ang kalinaw nga gikan sa Dios nga atong Amahan ug sa Ginoong Jesu-Cristo.

Roma 10:12

Kay walay kalainan sa Judio ug sa Grego, kay ang mao nga Ginoo sa tanan, madagayaon ngadto sa tanan nga nagtawag kaniya.

Roma 3:22

ang pagkamatarong sa Dios pinaagi sa pagtuo kang Jesu-Cristo alang sa tanan nga nagtuo. Kay walay kalainan,

Roma 8:28

Kita nasayod nga diha sa tanang butang ang Dios nagbuhat sa maayo ngadto kanila nga mga nahigugma kaniya ug mga tinawag sumala sa iyang katuyoan.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 10:32

Ayaw ninyo hatagi ug kapandolan ang mga Judio o ang mga Grego o ang iglesia nga iya sa Dios,

1 Mga Taga-Corinto 12:27

Kamo ang lawas ni Cristo ug ang matag usa kaninyo bahin niini.

1 Mga Taga-Corinto 8:6

apan alang kanato adunay usa lamang ka Dios, ang Amahan, nga gigikanan sa tanang mga butang ug kita alang kaniya, ug usa lamang ka Ginoo, si Jesu-Cristo, nga pinaagi kaniya mao kita ug ang tanang mga butang.

2 Mga Taga-Corinto 1:1

Si Pablo, apostol ni Cristo Jesus tungod sa kabubut-on sa Dios, ug si Timoteo nga atong igsoon, Alang sa iglesia sa Dios nga anaa sa Corinto lakip ang tanang mga balaan nga anaa sa tibuok Acaya.

2 Mga Taga-Corinto 4:5

Kay wala kami magwali mahitungod sa among kaugalingon kondili si Jesu-Cristo ingon nga Ginoo ug kami mga ulipon ninyo tungod kang Jesus.

Mga Taga-Galacia 1:2

ug ang tanang mga igsoon nga ania uban kanako, Alang sa mga iglesia sa Galacia:

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

1 Mga Taga-Tesalonica 1:1

Si Pablo ug si Silvano ug si Timoteo, Alang sa iglesia sa mga taga-Tesalonica diha sa Dios nga Amahan ug sa Ginoong Jesu-Cristo: Ang grasya ug kalinaw maanaa kaninyo.

1 Mga Taga-Tesalonica 4:7

Kay ang Dios wala magtawag kanato alang sa kahugawan, kondili sa pagkabalaan.

2 Mga Taga-Tesalonica 1:1

Si Pablo ug si Silvano, ug si Timoteo, Alang sa iglesia sa Tesalonica, diha sa Dios nga atong Amahan ug sa Ginoong Jesu-Cristo.

1 Timoteo 2:8

Busa gitinguha nako nga sa tanang dapit ang mga lalaki mag-ampo nga magbayaw ug mga kamot nga balaan nga walay kasuko o pakiglalis.

1 Timoteo 3:15

kon malangan man ako, ikaw mahibalo na unsaon sa paggawi diha sa sulod sa panimalay sa Dios nga mao ang iglesia sa buhi nga Dios, ang haligi ug patukoranan sa kamatuoran.

2 Timoteo 1:9

nga nagluwas kanato ug nagtawag kanato sa balaanong pagtawag, dili sumala sa atong mga binuhatan kondili sumala sa iyang kaugalingong katuyoan ug grasya nga gihatag kanato diha kang Cristo Jesus sa wala pa ang mga kapanahonan nga walay kataposan,

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

2 Timoteo 2:22

Likayi ang mga pangibog nga iya sa kabatan-on ug tinguhaa ang pagkamatarong, pagtuo, gugma ug pakigdait, uban sa mga nagtawag sa Ginoo gikan sa putli nga kasingkasing.

Mga Hebreo 10:10

Ug pinaagi sa maong kabubut-on kita nangahinlo gikan sa sala pinaagi sa makausa lamang nga paghalad sa lawas ni Jesu-Cristo.

Mga Hebreo 13:12

Sa ingon niini si Jesus usab nag-antos didto sa gawas sa ganghaan aron sa pagbalaan sa katawhan pinaagi sa kaugalingon niyang dugo.

Mga Hebreo 2:11

Kay siya nga nagbalaan ug sila nga gibalaan managsama ug gigikanan, nga tungod niini wala niya ikaulaw ang pagtawag kanila nga mga igsoon,

Judas 1:1

Si Judas, ulipon ni Jesu-Cristo ug igsoon ni Santiago, Nganha sa mga tinawag, mga hinigugma diha sa Dios nga Amahan ug mga binantayan alang kang Jesu-Cristo:

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.