1 Mga Taga-Corinto 1:14

Ang Biblia 2011

Nagpasalamat ako sa Dios nga wala akoy gibautismohan kaninyo gawas kang Crispo ug kang Gayo,

Cross References

Mga Buhat 10:48

Ug misugo siya nga bautismohan sila diha sa ngalan ni Jesu-Cristo. Unya gihangyo nila siya sa pagpabilin pa ug pipila ka adlaw.

Mga Buhat 18:8

Si Crispo nga pangulo sa sinagoga mituo sa Ginoo uban sa iyang tibuok panimalay, ug daghan sa mga taga-Corinto nga naminaw kang Pablo mituo ug gibautismohan.

Roma 16:23

Si Gayo, ang tagbalay nga nag-abiabi kanako ug sa tibuok iglesia, nangumosta kaninyo. Nangumosta kaninyo sila si Erasto nga mamahandi sa siyudad, ug si Cuarto nga atong igsoon.

1 Mga Taga-Corinto 1:15

aron wala kaninyoy makaingon nga kamo gibautismohan sa akong ngalan.

1 Mga Taga-Corinto 1:4

Nagpasalamat ako sa Dios kanunay mahitungod kaninyo tungod sa grasya sa Dios nga gihatag kaninyo diha kang Cristo Jesus,

1 Mga Taga-Corinto 14:18

Nagpasalamat ako sa Dios nga ako makamaong mosulti ug laing mga pinulongan, labaw pa gani kaninyong tanan,

2 Mga Taga-Corinto 2:14

Apan salamat sa Dios nga nagmando kanato kanunay pinaagi kang Cristo ngadto sa kadaogan, ug ang kahumot sa kahibalo mahitungod kaniya gipadayag pinaagi kanato ngadto sa tanang dapit.

Mga Taga-Efeso 5:20

Sa tanang higayon magpasalamat kamo ngadto sa Dios nga Amahan tungod sa tanang mga butang, diha sa ngalan sa atong Ginoong Jesu-Cristo.

Mga Taga-Colosas 3:15

Ug paharia ang kalinaw ni Cristo diha sa inyong mga kasingkasing, nga ngadto niini kamo gitawag diha sa usa ka lawas. Ug pagmapasalamaton kamo.

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

1 Mga Taga-Tesalonica 5:18

pagpasalamat kamo sa tanang higayon kay kini mao ang kabubut-on sa Dios diha kang Cristo Jesus alang kaninyo.

1 Timoteo 1:12

Nagpasalamat ako sa nagpalig-on kanako, si Cristo Jesus nga atong Ginoo, kay siya nag-ila man kanako nga matinumanon, nagtudlo kanako ngadto sa pagpangalagad,

Filemon 1:4

Sa kanunay nagpasalamat ako sa akong Dios sa diha nga maghisgot ako kanimo sa akong mga pag-ampo,