1 Mga Taga-Corinto 1:10

Ang Biblia 2011

Apan ako naghangyo kaninyo, mga igsoon, pinaagi sa ngalan sa atong Ginoong Jesu-Cristo, nga unta kamong tanan magkauyon ug diha kaninyo walay pagkabahin, kondili mausa unta hinuon kamo diha sa samang hunahuna ug samang panabot.

Cross References

Salmo 133:1

Tan-awa, unsa ka maayo ug kaanindot kon ang managsoon magpuyo diha sa panaghiusa!

Jeremias 32:39

Hatagan nako sila ug usa ka kasingkasing ug usa ka dalan, aron sila mangahadlok kanako hangtod sa kahangtoran, alang sa ilang kaayohan ug sa kaayohan sa ilang mga anak sunod kanila.

Mateo 9:16

Walay tawo nga magtapak ug bag-ong panapton diha sa daan nga sinina kay ang itapak mobitas sa sinina, ug unya mahimo na hinuon ang labi pa ka dakong gisi.

Marcos 2:21

Walay tawo nga magtapak ug bag-ong panapton diha sa daan nga bisti, kay kon himoon kini, ang gitapak mabitas ra gikan niini, ang bag-o gikan sa daan, ug unya mosamot na hinuon ka dako ang gisi.

Marcos 3:24

Kon ang usa ka gingharian nabahin batok sa iyang kaugalingon, kana nga gingharian dili makabarog.

Juan 10:19

Ug nahitabo na usab ang panagsumpaki sa mga Judio tungod niining mga pulonga.

Juan 17:23

ako anaa kanila ug ikaw ania kanako aron sila hingpit nga mausa, aron ang kalibotan moila nga ikaw nagpadala kanako ug nahigugma kanila ingon nga ikaw nahigugma kanako.

Juan 7:43

Busa nahitabo ang pagkabahin sa mga tawo tungod kaniya.

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.

Mga Buhat 4:32

Ug ang pundok sa mga mituo nagkahiusa sa kasingkasing ug hunahuna, ug walay miingon nga iya rang kaugalingon ang bisan unsang mga butang nga iyang gipanag-iya, kondili ilang gisalohan ang tanan nilang butang.

Roma 1:13

Apan mga igsoon, buot nako nga inyong masayran nga sa makadaghan gitinguha nako ang pag-anha kaninyo (apan hangtod karon may nakababag kanako), aron nga makaani unta ug bunga diha kaninyo, ingon man usab diha sa uban pang mga Gentil.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 12:16

Pagsinabtanay kamo sa usa ug usa; ayaw pagmapahitas-on, hinuon pakig-uban sa mga ubos ug kahimtang; ayaw pagpakamaalamon diha sa inyong kaugalingon.

Roma 15:30

Naghangyo ako kaninyo, mga igsoon, pinaagi sa atong Ginoong Jesu-Cristo ug pinaagi sa gugma sa Espiritu, sa pagpanglimbasog uban kanako diha sa mga pag-ampo ngadto sa Dios tungod ug alang kanako,

Roma 16:17

Naghangyo ako kaninyo mga igsoon, sa pagbantay sa mga naghimo ug mga pagbahinbahin ug mga kapandolan nga supak sa pagtulun-an nga inyong nakat-onan, ug likayi sila.

1 Mga Taga-Corinto 1:11

Kay gisuginlan man ako sa mga tawo ni Cloe nga adunay panagbingkil diha kaninyo, mga igsoon ko.

1 Mga Taga-Corinto 11:18

Kay una sa tanan, sa dihang magtigom kamo ingon nga iglesia, nakadungog ako nga adunay mga pagkabahinbahin diha kaninyo ug nagtuo ako nga may pagkatinuod kini.

1 Mga Taga-Corinto 12:25

aron walay pagkabahin diha sa lawas, hinuon aron ang mga bahin niini makaangkon sa samang pagtagad alang sa usa ug usa.

1 Mga Taga-Corinto 3:3

kay kamo unodnon pa man gihapon. Kay samtang anaa pa kaninyo ang kasina ug ang panag-away, dili ba unodnon kamo ug nagkinabuhi sumala sa pagkatawhanon?

1 Mga Taga-Corinto 4:16

Busa awhagon ko kamo nga sundogon ninyo ako.

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 13:11

Sa kataposan, mga igsoon, pagmalipayon kamo. Hingpita ang inyong kaugalingon, pagmadasigon kamo, pagsinabtanay kamo sa usa ug usa, pagpuyo kamo nga malinawon, ug ang Dios sa gugma ug kalinaw mag-uban kaninyo.

2 Mga Taga-Corinto 13:9

Kay kami malipay sa diha nga kami huyang ug kamo lig-on. Ug kami nag-ampo usab niini nga kamo magmahingpit.

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Galacia 4:12

Mga igsoon, naghangyo ako kaninyo, pagpakasama kamo kanako ingon nga ako nagpakasama kaninyo. Wala ako ninyo buhati ug daotan.

Mga Taga-Filipos 1:27

Mao lamang nga magkinabuhi kamo nga takos sa Maayong Balita mahitungod kang Cristo, aron nga bisan kon moanha ako ug makigkita kaninyo o wala ako diha, madunggan unta nako mahitungod kaninyo nga kamo nagbarog diha sa usa ka espiritu, nga uban sa usa ka hunahuna maghiusa sa pagpaningkamot diha sa pagtuo sa Maayong Balita,

Mga Taga-Filipos 3:16

Mao lamang nga kinahanglang magkinabuhi kita sumala sa ato nang nakab-ot.

1 Mga Taga-Tesalonica 5:13

ug sa pagtahod kanila pag-ayo diha sa gugma tungod sa ilang buluhaton. Pagdinaitay kamo tali kaninyo.

2 Mga Taga-Tesalonica 2:1

Karon mahitungod sa pag-anhi sa atong Ginoong Jesu-Cristo ug sa atong panagtigom ngadto kaniya, naghangyo kami kaninyo, mga igsoon,

1 Timoteo 5:21

Sa atubangan sa Dios ug ni Cristo Jesus ug sa pinili nga mga anghel, ako magtugon kanimo sa pagbantay niining mga butanga sa walay pagpalabi, dili magbuhat pinaagi sa pagdapig.

2 Timoteo 4:1

Sa atubangan sa Dios ug ni Cristo Jesus nga mao ang maghukom sa mga buhi ug sa mga patay, ug pinaagi sa iyang pagpadayag ug sa iyang gingharian, ako magtugon kanimo niini:

Josue 22:15

Sila miabot ngadto sa mga Rubenhanon, sa mga Gadhaon ug sa katunga sa banay ni Manases didto sa yuta sa Gilead, ug sila miingon kanila,

1 Pedro 2:11

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

1 Pedro 5:10

Ug human kamo makaantos sa makadiyot, ang Dios sa tanang grasya nga nagtawag kaninyo ngadto sa iyang dayon nga himaya diha kang Cristo, mao gayod ang mangunay sa pagpahiuli, paglig-on, pagpabaskog ug pagpahimutang kaninyo.