Zakaria 8:10 - Tshwa Bible

¹⁰ Hakuva hi mahlweni ka masiku lawo a ntiro wa munhu wu wa nga hi na bhinzu, ni zihari zi wa tira mahala; lava va humako ni lava va enghenako va wa nga hi na kurula hi kota ya valala. Hakuva nzi wa kuce-tela vanhu lezaku munwe ni munwani a vukela a muakelane wakwe.

Zakaria 8:10 Cross References

Isaya 19:2

Nzi ta kucetela maGipite akuva ma vukela maGipite; Lezaku munhu alwa ni nakulobye, a muakelane a vukela mu-akelane-kulobye, A muti wu vukela muti, a mufumo wu vukela mufumo.

Jeremia 16:16

Nzi ta vitana a vakukuti vo hlaya, ku wula Jehova, va ta va kukuta; zonake nzi ta vitana a vahloti vo tala, va ta va hlota zitsungeni zontlhe, ni ka yontlhe miganga, ni ka yontlhe a mikovotlo ya maribye. Hab. 1:14

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Amosi 9:4

Hambu loku va yiswa wukhumbini hi valala vabye, kwaleyo nzi ta va rumela supado yi ya va daya. Nzi ta va langutela hi kubiha, na ku nga hi kusaseka.

Hagai 2:15

Makunu nza mu kombela, lezaku mu ehleketa lezaku ku wa mahisa kuyini kusukela nyamutlha kuya nzhako, hi mahlweni na ku nga se vekiwa a ribye ginwe hehla ka ginwani a tempeleni ya Jehova;

Valamuli 5:11

Le kule ni guwa ga vaweleli va mawura, le tihlobyeni ta mati, Va dumisa mitiro yo lulama ya Jehova, A mitiro yakwe yo lulama xikari ka va ka Israeli. Zonake a vanhu va Jehova va lo chikela tinyangweni.