7 A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.
Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.
Zonake i lo va phamela a kuga loku ku nga wa hi mahlweni kakwe; kanilezi Benjamini i lo mu phamela hi ku wuyeta ntlhanu wa zikhati ku hunza vontlhe. Va lonwa va tsaka zinwe naye.
Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.
A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!
Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.
Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.
Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24
Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8
Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6
Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8
lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5
Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13
loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20
Hana i lo khongela, aku: A mbilu ya mina yi tsakela Jehova. A limhonzo la mina li tlakusilwe hi Jehova, A nomu wa mina wu ahlamele a valala va mina; Hakuva nza bhuma lomu kuhanyiseni ka wena.