Valamuli 7:8 - Tshwa Bible

⁸ Zinghaho lava va 300 va lo teka timbuva tabye ni mipunzu yabye. A vanwani va ka Israeli, Gideoni i lo va tlhelisa vaya matendeni yabye, ku sala lava va 300. A wugovelo ga vaMidiani gi wa le nzhelelweni.

Valamuli 7:8 Cross References

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Levi 23:24

Byela vanana va ka Israeli, uku: Hi hweti ya wuntlhanu ni timbiri, hi siku go ranga ga hweti gi tava siku ga kuhumula, ximuse lexi xi ta nga tivekiswa hi kubiwa ka mimpunzu, hi ntlhangano wa kubasa.

Levi 25:9

Zonake hi hweti ya wuntlhanu ni timbiri, ka siku ga 10 ga hweti, u taba mpunzu lomu tikweni ga nwina gontlhe, wu biwa hi siku ga nzhiho.

Mitsengo 10:9

Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

1 Va le Korinte 15:52

hi xikhatanyana xo fanana ni kutsopeta ka tihlo, loku ku biwa a mpunzu wo gumesa; hakuva a mpunzu wu ta biwa, zonake a vafileko va ta vuka va nga ha boli kambe, na hina hi ta hunzuluswa xiyimo. Mat. 24:31

Joxua 6:20

Zinghaho a vanhu va lo kanyuluka, ni vapristi va loba mipunzu. Ni laha a vanhu va ngazwa a kuvuma ka mipunzu, va lo kanyuluka hi guwa ga hombe, zonake a khokhola gi lo khungumuka giwa lahasi, a vanhu va lo enghena mutini, loyi ni loyi i loya mahlweni kakwe, zinghaho va lo teka a muti. Maheb. 11:30

Joxua 6:4

A 7 wa vapristi va ta famba mahlweni ka nghaxa na va rwele 7 wa mipunzu yi vumako, hi siku ga wu 7 mu ta renzelekela a muti 7 wa zikhati, a vapristi na vaba mipunzu.

Valamuli 3:27

Laha a nga wa chikele, i loba a mpunzu le xitsungeni xa ka Efraime, a vanana va ka Israeli va lo relela naye hi le xitsungeni, na a rangile mahlweni kabye.

Valamuli 6:33

Zonake vontlhe vaMidiani ni vaAmeleki ni vanana va le Mutsuwuka-gambo va lo tsombana khatiginwe va tlhatuka Jordani, va ta gova le minzhelelweni ya Jezreeli.

Valamuli 7:7

Jehova aku ka Gideoni: Nzi ta mu tlhatlhisa hi vanhu lava va 300 va kapiteleko mati; nzi ta nyikela vaMidiani mandleni ya wena na vona. Kanilezi a vanwani a va tlhele, loyi ni loyi a famba kaya kakwe. 1 Sam. 14:6; 2 Kro. 14:11

Valamuli 7:9

Gwalego wusiku Jehova i te ngalo kakwe: Suka u relela le wugovelweni, hakuva nzi gi nyikele mandleni ya wena.