Valamuli 11:27 - Tshwa Bible

²⁷ Mina a nzi ku onhelangi nchumu; hi wena u nzi vukako hi ku nzi hlomela matlhari u lava kulwa na mina. Jehova a mahe mulamuli nyamutlha, a lamula xikari ka vanana va ka Israeli ni vanana va ka Amoni!

Valamuli 11:27 Cross References

Genesisi 16:5

Sarai aku ngalo ka Abrama: A kuxaniseka ka mina a kuve ka wena; nzi ku nyikile a nanza ga mina ga xisati xifuveni xa wena; lezi a wonako ku ngalo i xure nyimba nzo soleka mina mahlweni kakwe; ngha Jehova a lamula xikari ka mina na wena.

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Genesisi 31:53

Nungungulu wa Abrahama, Nungungulu wa Nahori, ni Nungungulu wa vararu vabye, a lamule xikari ka mina na wena. Jakobe i lo hlambanya hi loyi a chabyiwako hi Isaka.

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

Joba 23:7

Loku loyi a lulamileko a wa ta zi kota ku kanetisana naye, Nzi wa tava nzi tlhatlhekile ka mulamuli wa mina kala kupinzuka.

Joba 9:15

Loyi, hambu loku nzi wa lulamile, ngha nzi nga mu hlamuli; Kanilezi nzi wa ta ti kombelela ka mulamuli wa mina.

Tisimu 50:6

A matilo ma tlhatlhambuta a kululama kakwe, Hakuva hi Nungungulu wutsumbu a nga mulamuli. (Sela.)

Tisimu 7:11

Nungungulu mulamuli a lulamileko, I zangara siku ni siku.

Tisimu 75:7

Kanilezi loyi a lamulako hi Nungungulu; I tsongahata munwe, a kulisa munwani: 1 Sam. 2:6; Dan. 4:32; Lu. 1:52

Tisimu 82:8

Vuka, Nungungulu, u lamula misava, Hakuva wontihe matiko ma lumba wena.

Tisimu 94:2

Vuka, Mulamuli wa misava, Tlhelisela lava va matshanza.

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 12:14

Hakuva Nungungulu i ta yisa a mitiro yontlhe kulamuleni, ni zontlhe lezi zi fihlilweko, hambu zi sasekile, kutani za kubiha. 1 Kor. 4:5; 2 Kor. 5:10; Kuv. 20:12

2 Va le Korinte 11:11

Hikuyini ke? Hi lezi nzi nga mu ranziko ke? Nungungulu wa zi tiva lezaku nza mu ranza. Xip. 7:3

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Maheberu 12:23

ni le hlengeletanweni ya hombe, ni ka bandla ga matewula ma tsalilweko le tilweni, ni ka Nungungulu a nga Mulamuli wa vontlhe, ni ka mimoya ya vanhu va lulamileko va mbhelelisilweko, Lu. 10:20; Fil. 3:12; Kuv. 14:4

Valamuli 11:28

Kanilezi a hosi ya va ka Amoni a yi ingisangi a timhaka leto ti nga rumelwa hi Jefta.

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.

1 Samueli 24:12

Jehova a ave mulamuli xikari ka mina na wena, a nzi photela ka wena; kanilezi a canja ga mina gi nga ta ku vukela.

1 Samueli 24:13

Khwatsi hi kuwula ka vakale va nga ku ngalo: Zo biha zi huma hi ka lava vo biha. Kanilezi a canja ga mina gi nga ta ku henya. Levi 19:18; Rom. 12:19; 1 Ped. 2:23

1 Samueli 24:15

Jehova i tava mulamuli; i ta lamula xikari ka mina na wena! A nzi cuwuke, a tsanza mhaka ya mina, ni ku nzi ponisa lomu canjeni ga wena!

1 Samueli 24:16

Makunu laha Davida a nga wa gumesile ku wulawula timhaka leto, Saule i te ngalo: Ina i gezu ga wena lego, nwananga Davida? Zonake i lo tlakusa a gezu gakwe a rila.