Titusi 1:16 - Tshwa Bible

¹⁶ Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Titusi 1:16 Cross References

Joba 15:16

I ta tsumbisa kuyini a munhu wa kubiha ko hunzeleta, Loyi a nwako kuonha kukotisa a mati?

Mavingu 30:12

Li kona ni lixaka li basileko kuwoneni ka lona, asi lezo a li hlaziwangi a chaka ga lona;

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Jeremia 12:2

Wena u va byalile, va zimile mitsu; Va kula, va phandlula mihanzu. Wena u kusuhi ni milomu ya bye, Kanilezi u le kule ni timbilu tabye.

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Jeremia 6:30

Vona va ta wuliwa ku i siliva yi tsikilweko, hakuva Jehova i va tsikile.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mitsengo 24:16

I gezu ga loyi a ingisako timhaka ta Nungungulu, Loyi a tivako a wutivi ga Loyi a Tlakukileko nguvu, Loyi a wonako mahanjalati ya Nyamintamu, Loyi a khizamako, zonake a mahlo yakwe ma vululeka.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19

1 Timote 5:8

Kanilezi loku a hi kona munhu a nga hlayisiko a maxaka yakwe, nguvunguvu a va ngango wakwe, yena i kanetile a kukholwa, i bihile ku hunza loyi a nga kholwiko.

2 Timote 3:17

kasi a munhu wa Nungungulu a fela ku mbhelela, na a longiselelwe a mitiro yontlhe yo saseka. 1 Tim. 6:11; Tit. 1:9

Titusi 3:1

Va alakanyise lezaku va ti koramisa ka tihosi, hi ka vafumeli, va ingisa ni ku longa ku maha mitiro yontlhe yo saseka, Maheb. 13:21

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

1 Johani 2:4

Loyi a wulako aku: Nza mu tiva, na a nga hlayisi a milayo yakwe, wa hemba, ni zinene a zi kona ka yena.

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.