Tisimu 75:8 - Tshwa Bible

⁸ Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

Tisimu 75:8 Cross References

Joba 21:20

Ngha a wona hi mahlo yakwe yena wutsumbu a kulobyiswa kakwe, A nwisiwa a zanga ya Nyamintamu.

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Tisimu 60:3

U kombisile a vanhu va wena a zilo zo binza; U hi nwisile a vinya gi popisako. Isa. 51:17, 22; Jer. 25:15

Tisimu 73:10

Hikwalaho a tiko gakwe gi cuwuka a tlhelo gabye, Ni mati ya kutala ma nwiwa hi vona.

Mavingu 23:30

Hi vona lava va rivatekako hi kunwa vinya; ava va fambako va hlota a vinya gi patselweko.

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Isaya 51:22

Hosi Jehova, Nungungulu wa wena. Loyi a lwelako a tiko gakwe, e ngalo: Languta, nzi susile canjeni ga wena a gombe gi popisako, U nga ta hanwa a gombe ga zanga ya mina.

Jeremia 25:15

Hakuva Jehova a Nungungulu wa Israeli i te ngalo ka mina: Teka a gombe legi ga vinya ga zanga canjeni ga mina, u nwisa wontihe a matiko nzi to ku rumela ka wona. Kuv. 14:10; 16:19

Jeremia 25:17

Nzi lo teka a gombe canjeni ga Jehova, nzi gi nyikela ka wontihe matiko manwa, lawo Jehova a nga nzi rumele ka wona.

Ezekieli 23:34

U ta gi minyeta, u tlhela u laza a zirengele za gona, u tlukulutela a mavele ya wena; hakuva mina nzi zi wulile, ku wula Hosi Jehova.

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

1 Samueli 2:7

Jehova wa vanga wusiwana, wa fumisa; Jehova wa tsongahata, ni kambe wa tlakusa.