Tisimu 119:161 - Tshwa Bible

¹⁶¹ A tihosana ta nzi xanisa handle ka nanzu, Kanilezi a mbilu ya mina yi chava mhaka ya wena.

Tisimu 119:161 Cross References

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

2 Tihosi 22:19

kota lezi a mbilu ya wena yi olovileko, na u ti koramisile mahlweni ka Jehova, laha u ngazwa hi lezi nzi wulileko xungetano hi wutshamu legi, ni vaaki va gona, lezaku va ta lobyiswa vave xiruko, u hanzula tinguwo ta wena u rila mahlweni ka mina, minawu nzi ku zwile, ku wula Jehova.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Joba 31:23

Hakuva nza chava a ku tsayiswa hi Nungungulu, A nzi zi koti ku yima mahlweni ka kutlakuka kakwe.

Tisimu 119:157

Mbanyingi a vaxanisi ni valala va mina, Kanilezi a nzi hambunyetangi a zikhumbuxeto za wena.

Tisimu 119:23

A tihosana ti tshama ti wulawulisana ha mina, Kanilezi a nanza ga wena gi ehleketa a ziyimiso za wena.

Tisimu 4:4

Rurumelani, mu nga onhi; Ehleketani loku mu hi masangweni ya nwina, Mu rutisa. (Sela.)

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Johani 15:25

Kanilezi yi fela ku tatisekisa lezo a mhaka leyi yi tsalilweko nayweni wabye, yaku: Va nzi vengile mahala. Tis. 35:19

1 Samueli 21:15

Nzo vumala vanhu vo hunguka, lezi nwina mu nehako munhu loyi wo hunguka a ta hlanyela mahlweni ka mina ke? A munhu wa ku tani a nga enghena ndlwini ya mina ke?

1 Samueli 26:18

I lo wutisa aku: Hi kuyini a hosi ya mina yi hlongola a nanza gakwe? Xini nzi mahileko? Xionho muni xi nga mandleni ya mina?