Nahume 1:3 - Tshwa Bible

³ Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Nahume 1:3 Cross References

2 Samueli 22:10

Yena i andlele a matilo a chika; Ni munyama wu wa hi lahasi ka mikonzo yakwe.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Joba 10:14

Lezaku loku nzi onha, wena u ta nzi xiyelela, Na u nga nzi tlhatlhi kugoheni ka mina.

Joba 38:1

Zonake Jehova i lo hlamula Joba, na a hi mhehweni ya xipupuri, aku: 1 Tih. 19:11; Ezek. 1:4

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Tisimu 104:3

U aka a tiyindlu ta wena matini ya le hehla, U maha kareta ya wena hi marefu; U famba tipapeni ta mheho.

Tisimu 145:8

Jehova i na ni tipswalo, i tele hi wuxinji, Wa nonoka ku zangara, i na ni wunene ga hombe. Ekso. 34:6; Joeli 2:13; Jona 4:2

Tisimu 147:5

A Hosi ya hina nja hombe, yi na ni ntamu wa hombe; A wutlhari ga yona a gi na lipimo. Rom. 11:33

Tisimu 50:3

Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Tisimu 62:11

Nungungulu i wulile kanwe. Nzi zi zwile kumbiri lezaku A ntamu ngwa Nungungulu.

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Jeremia 4:13

A nala i tata kota refu, Ni tikareta takwe ti kota xipupuri; A mahaxi yakwe ma hatlisa ku hunza magama. I khombo ka hina, hakuva hi Iovile! Isa. 5:28; Hab. 1:8

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Hosea 8:7

Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Zakaria 9:14

Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Jakobe 1:19

Nwina ma zi tiva lezi vamakabye va mina va ranzekako. Kanilezi ngha munwe ni munwani a hatlisa kuzwa, a nonoka ku wulawulela nonoka ku zangara; Mav. 16:32; Kutsa. 5:1, 2

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37