Mutshawuteli 12:1 - Tshwa Bible

¹ Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Mutshawuteli 12:1 Cross References

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:23

Ni nduna ya paxo yi wa nga ha cuwuki nchumu xa lezi zi nga wa hi canjeni ga Josefa, hakuva Jehova i wa hi zinwe naye; ni zontlhe lezi a nga wa zi maha, Jehova i wo zi katekisa.

2 Samueli 19:35

Inyamutlha nzi na ni 80 wa malembe; xana nza ha ta zi kota ku hambanyisa zo saseka ni zo biha ke? Xana a nanza ga wena gi ta zi kota a kuzwa a kunanziha ka lezi a ta ngaga ni ka lezi a ta nganwa ke? A nanza ga wena gi ta mahela yini a nzhwalo kambe ka hosi ya mina ke?

2 Samueli 19:36

A nanza ga wena gi ta so tlhatuka Jordani zinwe ni hosi basi; hi kuyini a hosi yi nzi chachazela kota lezo ke?

1 Tihosi 14:13

Vontlhe va ka Israeli va ta mu hlaluka, va mu lahla, hakuva hi yena yece wa yindlu ya ka Jeroboamu a ta nga enghena lomu nkeleni, hi lezi hi yena yece wa ka Jeroboamu a kumilweko na lulamile mahlweni ka Jehova Nungungulu wa ka Israeli.

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

Nehemia 4:14

Nzi lo cuwuka na nzi yimile, nziku ka manghanakana, ni ka vafumeli, ni ka vontlhe vanhu: Mu nga va chaveni! Alakanyani Hosi, loyi a nga wa hombe, a chavekako, mu lwela vanakuloni, a vana va nwina, ni vanhanyana va nwina, ni vasati va nwina, ni tiyindlu ta nwina! Mitse. 14:9; Deut. 1:21

Joba 30:2

Nzi wa ta bhinzula yini hi ntamu wa mandla yabye, Lava va mbhetilweko ntamu hi wukale?

Tisimu 119:55

Jehova, nzi alakanya a vito ga wena laha wusikwini, Nzi hlayisa a nayo wa wena.

Tisimu 34:11

Ngonani vanana, mu nzi ingisela; Nzi ta mu gonzisa xichavo xa Jehova.

Tisimu 63:6

Loku nzi ku alakanya na nzi hi sangweni ga mina, Nzi khumbula wena zikhatini za wusiku.

Tisimu 90:10

A masiku ya kuhanya ka hina ma ringana 70 wa malembe, Ni lava va nga ni ntamu va nga chikela ka 80 wa malembe, Kanilezi a ntamu wa wona ngwa kubayiseka ni kukarateka, Hakuva ma hunza hi xihatla, hina hi nwalala.

Mavingu 22:6

Gonzisa nwanana lomu ndleleni leyi a ta nga famba ha yona, ambu loku a hi wa kale a nga ta yi tsika.

Mavingu 8:17

Nzi ranza lava va nzi ranzako; ava va nzi lavisisako va nzi kuma.

Mutshawuteli 11:10

Hikwalaho, susa kukarateka mbilwini ya wena, u susa a kubayiseka ontlhe mirini wa wena; hakuva a wunwanana ni wujaha a zi nyawuli.

Mutshawuteli 11:2

Zi avanyisele ka ntlhanu ni vambiri, hambu ka ntlhanu ni vanharu; hakuva a ku tivi a khombo gi ta nga huma laha misaveni.

Mutshawuteli 11:8

Hambu loku munhu a hanya malembe yo tala, ngha a tsaka ka wona wontihe; kanilezi a a alakanye a masiku ya munyama, hakuva ma tava manyingi. Zontlhe lezi zi ta nga humelela a zi nyawuli.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Mikosi 3:27

Zi sasekile akuva munhu a rwala Muyoka wakwe wusweni gakwe. Tis. 119:71; Mat. 11:29

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Hosea 7:9

A vamatiko va mhhetile a ntamu wakwe, kanilezi yena nwinyi a nga zi tivi; ina, i mitile wuvu na a nga zi tivi.

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Luka 18:16

Kanilezi Jesu i lo vitana vanana, aku: Vumelani a vanana vata ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Va le Efesusi 6:4

Na nwinawu vararu, mu nga zangarisi a vana va nwina; kanilezi va wundleni hi kululeka ni kulaya ka Hosi. Gen. 18:19; Deut. 6:7; Kol. 3:21

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

1 Samueli 1:28

Hikwalaho minawu nza mu nyikela ka Jehova. Wontihe masiku ya kuhanya kakwe i tava loyi a lumbako Jehova. Zonake va lo khizamela Jehova.

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

1 Samueli 2:18

Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6

1 Samueli 2:26

Mufana Samueli yena i wa kula na a xalalisa Jehova ni vanhu kambe. Lu. 2:40, 52