Mateu 23:15 - Tshwa Bible

¹⁵ Khombo a give ka nwina vatsali ni vaFarisi, nwina vaxengeteli! Hakuva mu tsemakanya bimbi ni misava kasi ku ya maha munwe a kuva kholwa ga nwina; loku mu mu kumile, mu mu maha a nʼwana wa Gehena a ku hunza nwina hi kumbiri.

Mateu 23:15 Cross References

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Mateu 5:22

Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15

Mateu 5:29

Loku a tihlo ga wena ga xinene gi ku maha u khubeka, gi xokole, u gi hoxa kule; hakuva zi ku sasekele lezaku xiro xinwe xa wena xi lova, lezaku kasi a miri wa wena wontihe wu nga hoxiwi Gehena. Xip. 18:8, 9; Mar. 9:43-47; Rom. 8:13

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Mitiro 13:43

Laha a hlengeletano yi nga wa hangalakile, a linyingi la vaJuda ni vaproselita va chavako Nungungulu, va lo lanzela Paule na Barnabasi, lava va nga wulawula kabye, va va khongotela lezaku va namarela tipswalweni ta Nungungulu. Xip. 11:23; Tit. 2:11; 1 Ped. 5:12

Mitiro 14:19

Kanilezi ku lo chikela a vaJuda na vata hi le Antiokia ni le Ikoniume, va hlohlotela a zidlemo, va gandla Paule hi maribye, va mu rorovisela le handle ka muti, na va alakanya lezaku i file. Xip. 13:45; 2 Kor. 11:25

Mitiro 14:2

Kanilezi a vaJuda lava va nga kala ku kholwa va lo vindlukisa a vamatiko, lezaku a timbilu tabye ti zangarela a vamakabye.

Mitiro 17:13

Kanilezi laha a vaJuda va le Tesalonika va nga zi zwile, lezaku a mhaka ya Nungungulu ya biwa hungu hi Paule ni le Berea, va loya kona, va ya Vuxa ni ku vindlukisa a zidlemo.

Mitiro 2:10

le Frigia, ni le Pamfilia, le Gipite, ni matlhelo ya Libia kusuhani ka Kirene, ni valuveli va le Roma, a vaJuda ni vaproselita, Ekso. 12:48; Isa. 56:6

Mitiro 6:5

A khungo legi gi lo xalalisa a xidlemo xontlhe; zonake va lo hlawula Stefani, a munhu a teleko hi kukholwa ni Moya wa ku Basa, na Filipu, na Prokoro, na Nikanori, na Timoni, na Permenasi, na Nikolasi, a kholwa ga le Antiokia. Xip. 8:5; 11:24; 21:8

Va le Galatia 4:17

A vavanuna lava va pinyamela a ku mu lava, na ku nga hi kusaseka, va lava ku mu hambukisa ka hina, kasi ma namarela ka vona. Rom. 10:2; Gal. 1:7

Va le Galatia 6:12

Vontlhe lava va navelako a kuva ni wudumo gi nene nyameni, va mu kurumeta a ku enghena wukwera; va maha lezo ntsena kasi va nga xaniswi hi kota ya xihambano xa Kristu. Fil. 3:18

Va le Efesusi 2:3

Hina hontlhe hi wa kari hi famba zinwe navo a kunaveleni ka nyama ya hina, hi maha a kuranza ka nyama ni ka maalakanyo; hi mahanyela ya hina hi wa hi vanana va khulo khwatsi hi vanwani. Tis. 51:5; Gal. 5:16; Tit. 3:3