Mateu 16:17 - Tshwa Bible

¹⁷ Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Mateu 16:17 Cross References

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Luka 22:32

kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17

Johani 1:42

I lo mu neha ka Jesu. Jesu i lo mu cuwuka aku ngalo: Hi wena Simoni, nʼwana Johani; u ta vitanwa ku ngalo, Kefasi, (hi kutlhamusela ku ngalo, Pedro). Mat. 18:18

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

1 Va le Korinte 15:50

Makunu vamakabye, nzi wula lezaku a nyama ni nkhata a zi na kuga a tshomba ya mufumo wa Nungungulu; hambu ni kubola a kuna kuga a tshomba ya kungaboli. Mat. 16:17; Joh. 3:3, 5

Va le Galatia 1:16

laha a nga ranza ku wonekelisa a Nʼwana wakwe ka mina, lezaku nzi fela ku mu kanela xikari ka vamatiko, a nzi lombangi wusungukati ka nyama ni nkhata; Mat. 16:17; 2 Kor. 4:6

Va le Efesusi 2:8

Hakuva hi kota ya tipswalo mu hanyisilwe hi kukholwa; na ku nga hi kumaha ka nwina, xinyikiwo xa Nungungulu. Rom. 4:16; Fil. 1:29

Va le Efesusi 3:5

lowu wu nga kala ku tiviswa ka vanhu va zizukulwana zinwani, kota lezi ku vululelweko hi Moya ka vapostoli vakwe vo basa ni vaprofeti; Miti. 10:28

Va le Efesusi 6:12

Hakuva a kulwa ka hina a hilwi ni nyama ni nkhata, kanilezi hilwa ni tihosana ta mimoya, ni mintamu, ni tihosi ta munyama lowu, ni mimoya ya kubiha ya le hehla. Joh. 12:31; Rom. 8:38; Kol. 1:13; 2:15

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

1 Pedro 5:1

Hikwalaho nza khongotela a masingalakati lawa ma nga xikari ka nwina, na nzi hi singalakati-kulobye, ni kustumunyu wa kuxaniseka ka Kristu, hi xihlengeli xa kungangamela loku ku ta nga vululwa, nziku ngalo: Lu. 24:48; Rom. 8:17; File. 9

1 Johani 4:15

Kani hi wihi a vumelako lezaku Jesu i Nʼwana wa Nungungulu, Nungungulu i tshama ka yena, na yenawu i tshama ka Nungungulu. Rom. 19:9

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3