Luka 2:34 - Tshwa Bible

³⁴ Simeoni i lo va katekisa, aku ka Maria a nyine wakwe: Languta, loyi nwanana i yimiselwe a kuwa ni kuvuka ka vanyingi ka Israeli, ni ku maha xikombiso xi ta nga kanetiwa; Isa. 8:14; Miti. 28:22; Rom. 9:32

Luka 2:34 Cross References

Genesisi 14:19

I lo mu katekisa, aku: A katekiswe Abrama hi Nungungulu a nga Hehla-hehla, a nwinyi wa tilo ni misava.

Genesisi 47:7

Zonake Josefa i lo neha Jakobe, a raru wakwe, ka Faro. Jakobe i lo losa Faro.

Eksodusi 39:43

Mosi i lo cuwuka wontihe ntiro, languta,, va wa mahile khwatsi hilezi Jehova a nga leletelisa zona, va wa mahile zalezo. Zonake Mosi i lo va katekisa.

Isaya 8:18

Langutani, mina ni vanana lava Jehova a nzi nyikileko hi zikombiso ni zihlamaliso xikari ka Israeli hi ka Jehova wa tiyimpi, loyi a akileko xitsungeni xa Zioni.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Mateu 11:19

A Nʼwana wa munhu i lota, waga, wonwa, ve ngalo: Langutani munhu wa kulonzola, xidakwa, munghana wa vahlengisi ni vaonhi! Kanilezi a wutlhari gi kombisile a kululama ka gona hi mitiro ya gona. Xip. 9:10; Lu. 7:35

Mateu 12:46

Ku te na a ha wulawula ka zidlemo, a nyine wakwe ni vanakulobye va lo yima lahandle, va lava ku wulawula naye. Mar. 3:31; Lu. 8:19-21

Mateu 21:44

Loyi a ta ngawa hehla ka ribye legi i ta pswhandleka zipanzana; kanilezi loyi gi ta ngawa hehla kakwe gi ta mu silisisa. Isa. 8:15; Lu. 20:18; Rom. 9:33

Mateu 27:63

vaku: Hosi, ha alakanya lezaku a mukhohlisi loyi na a ha hanya i te ngalo: Nzi ta vuka hi siku ga manharu. Xip. 17:23; Mar. 8:31; Lu. 9:22

Luka 2:35

ina, ni supado yi ta tlhava a muhefemulo wa wena, kasi ku wonekeliswa a maalakanyo ya timbilu tinyingi. Tis. 42:10; Joh. 19:25

Johani 3:20

Hakuva ni wihi a mahako kubiha wa venga kuwonekela, zonake a ngati kuwonekeleni, ku nga taku a mitiro yakwe yi tsetsulwa.

Johani 5:18

Hikwalaho ka mhaka leyi a vaJuda va lo hlota ku mu daya, hakuva a nga tshovangi sabado ntsena, kanilezi i lo vitana Nungungulu aku i Raru wakwe, a ti maha a ecana ni Nungungulu. Xip. 7:19; 10:30; Fil. 2:6

Mitiro 13:45

Kanilezi laha a vaJuda va nga wona a xidlemo, va lo tatiswa hi wukhuxu, va kaneta lezi zi nga kanelwa hi Paule, va rukatela. Xip. 18:6; 1 Ped. 4:4; Juda 10

Mitiro 17:6

Laha va nga kala ku va kuma, va lo kokovisa Jasoni ni vamakabye vo kari, va va yisa mahlweni ka vafumeli va muti, va kanyuluka, vaku: Lava va vangileko gujeguje misaveni yontlhe va tile ni laha kambe. 1 Tih. 18:17; Xip. 16:20

Mitiro 24:5

Hi kumile lezaku munhu loyi i bihile, muvuxi wa vilinganya xikari ka vontlhe vaJuda lava va akileko misaveni yontlhe, ni murangeliwa lihunzu la vaNazareta; Lu. 23:2; Xip. 6:13; 16:20; 17:6

Mitiro 28:22

Kanilezi ha zi ranza a kuzwa ha wena lezi u zi alakanyako; hakuva hi kukumbuka a lihunzu lolu, ha zi tiva lezaku la kanetiwa matlhelweni wontihe. Lu. 2:34; Xip. 25:5, 14; 1 Ped. 2:12

Mitiro 4:26

A tihosi ta misava ti vukile, Ni tihosana ti wa tsombene khatiginwe, Ti vukela Hosi ni ku vukela a Totilweko wakwe.

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Va le Roma 9:32

Hikuyini ke? Hilezi va nga kala ku wu lava hi kukholwa, kanilezi va wu lava hi mitiro. Va lo khunguvanyeka ribyeni ga xikhunguvanyiso: Lu. 2:34; 1 Kor. 1:23

1 Va le Korinte 1:23

kanilezi hina hi kanela Kristu loyi a belelweko; loyi a nga xikhunguvanyiso ka vaJuda, ni wupumbu ka vamatiko; Isa. 8:14; Mat. 11:6

Maheberu 7:1

Melkizedeki loyi a nga hi hosi ya le Salema, tlhelo mupristi wa Nungungulu a nga Hehla-hehla, yena i lo tlhangana na Abrahama na a wuya hi le ko daya tihosi, a mu katekisa. Gen. 14:18

Maheberu 7:7

Makunu a ku na ku kanetwa lezaku loyi tsongwani i katekiswa hi loyi wa hombe.

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

1 Samueli 2:20

Eli i lo katekisa Elkana ni sati wakwe, aku: Jehova a ku nyike vana hi ka loyi wasati vo valeta loyi a nga mu kombela ka Jehova; zonake va lo tlhela kaya.