Levi 9:15 - Tshwa Bible

¹⁵ Hilezo i lo neha a munyikelo wa vanhu. A teka a mhongo ya muphahlelo wa kuonha, lezi zi nyikelelwako vanhu; a zi tlhava a maha ha zona a muphahlelo wa kuonha, kota lezi a nga maha ka muphahlo wa ku ranga.

Levi 9:15 Cross References

2 Kronekele 29:24

Zonake a vapristi va lo ti tlhava, a nkhata wa tona va chela hehla ka alati, kasi ku maha a nzhiho wa zionho ni kuva muphahlo wa zionho za vanhu vontlhe va ka Israeli, hakuva a hosi yi lo leletela lezaku a muphahlo wa kuhiswa ni wa zionho wu ta nyikelelwa vontlhe va ka Israeli.

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Levi 10:16

Mosi i lo wutisisa hi lezi va mahileko hi mhongo ya muphahlo wa kuonha; languta, yona yi wa hisilwe. Hilezo i lo holovela Eliazare na Itamare, a vana va seleko va Aroni, aku ka vona:

Levi 9:14

I lo hlaza marumbu ni masonzo, a zi hisa le hehla ka muphahlo wa kuhiswa laha alatini.

Levi 9:3

Zonake u ta wula ka vanana va ka Israeli, uku: Tekani a mhongo ya muphahlo wa kuonha, ni role, ni yivu, za lembe ginwe a wukale, na zi nga hi na bawa, zi tava za muphahlelo wa kuhiswa;

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 2:17

Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

Maheberu 5:3

hi kota ya gona, loku a phahlela hi kota ya zionho za vanhu, i yimelwe hi ku phahlela hi kota ya zakwe. Levi 4:3; Xip. 7:27; 9:7