Levi 4:34 - Tshwa Bible

³⁴ Zonake mupristi i ta peta litiho lakwe lomu nkhateni wa muphahlo wa kuonha, a tota ha wona a timhonzo ta alati ga muphahlelo, zonake a chulula a nkhata wontihe lowu wu seleko laha ka xikhatelo xa alati.

Levi 4:34 Cross References

Isaya 42:21

Zi mu xalalisile Jehova hi kota ya kululama kakwe A ku kulisa a nayo wu kheseka.

Levi 4:18

Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Levi 4:30

Ni mupristi i ta peta litiho lakwe lomu ka nkhata wa mbuti, a tota lomu ka timhonzo ta alati ga munyikelo wa kuhiswa, zonake a chulula a nkhata wontihe laha xikhatelweni xa alati.

Levi 4:7

Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.

Johani 17:19

Nza ti basisela vona, lezaku vonawu va basisiwa zineneni. 1 Kor. 1:2; 1 Tes. 4:7; Maheb. 10:10

Va le Roma 10:4

Hakuva Kristu hi magumeso ya nayo, lezaku ni wihi a kholwako a kuma kululama. Mat. 5:17; Gal. 3:24

Va le Roma 8:1

Hikwalaho a ku na kukoniwa ka lava va nga ka Kristu Jesu. Gal. 5:16

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26