Kuvululelwa 8:12 - Tshwa Bible

¹² Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku. Isa. 13:10; Am. 8:9

Kuvululelwa 8:12 Cross References

Isaya 13:10

Hakuva a tinyeleti ta tilo ni mitlhambi ya tona, Zi nga ha ta woningela; A gambo gi ta pfupeliswa kuhumeni ka gona, Ni nweti wu nga ha tava kona. Mat. 24:9; Lu. 21:25; Kuv. 6:12

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Jeremia 4:23

Nzi wonile a misava, Yi wa nga hi na xiwumbeko, yi nga hi na nchumu; Nzi cuwuka matilo, ma wa nga hi na kuwonekela.

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Joeli 3:15

A gambo ni hweti zi pfhupelisilwe, ni tinyeleti ta timeka.

Amosi 8:9

Hosi Jehova i ngalo: Hi siku lego nzi ta pelisa gambo laha munwini, nzi vanga munyama laha misaveni xikhatini xa hlikanhi. Mik. 3:6

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Marku 13:24

Hi lawo masiku, anzhako ka kuxaniseka loku, a gambo gi ta pfhupeliswa, ni hweti yi nga ta humesa a kuwoninga ka yona, Joeli 2:2; Zef. 1:15; Lu. 21:25

Marku 15:33

Hi xikhati xa wuntlhanu ni xinwe ku wa hi kona munyama tikweni gontlhe, ku kala xikhati xa wuntlhanu ni mune.

Luka 21:25

Ku tava kona a ziwoniso le gambyeni, ni le hwetini, ni le tinyeletini; ni laha misaveni a vamatiko va ta xaniseka, va kanganyiseka hi kota ya kudzinza ka bimbi ni mabyandlati. Mat. 24:29; Mar. 14:12

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Kuvululelwa 12:4

A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula. Ekso. 1:16; Dan. 8:10; Xip. 17:18

Kuvululelwa 16:10

Leʼya wuntlhanu yi lo halata mukhelo wa yona xitshanwini xa wuhosi xa xihari; ni mufumo wa xona wu lo phumiswa, a vanhu va lo lumetela tirimi tabye hi kota ya kubayisa, Xip. 9:2; 13:2

Kuvululelwa 6:12

Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29

Kuvululelwa 9:15

Ku lo tlhatlhiwa a mune wa tingelosi, leti ti hlayiselweko hora leyi, ni siku, ni hweti, ni lembe, a kuva ti daya a xipanze xa wunharu xa vanhu.

Kuvululelwa 9:18

Ku lo dawa a xipanze xa wunharu xa vanhu hi zixaniso lezi zinharu, hi nzilo ni musi ni solufa, lezi zi nga huma milonwini ya wona.