Jeremia 34:16 - Tshwa Bible

¹⁶ Kanilezi mu tlhelile nzhako, mu hanahanisa a vito ga mina, munwe ni munwani a wuyisa nanza gakwe ga xinuna ni ga xisati, lawo mu nga ma tlharihile ma ti fambela; mu ma khonele kambe a wukhumbi lezaku ma mu tirela.

Jeremia 34:16 Cross References

Eksodusi 20:7

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Jeremia 34:11

Kanilezi anzhako va lo hunzuluka, va tlhela va vitana a malanza yabye ya xinuna ni ya xisati ma wuya, lawo va nga ma tsikile ma tlhatlheka, va lo ma khonela a wukhumbi, a vavanuna ni vavasati,

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 18:24

Kanilezi loku a wakululama a tsika kululama kakwe a onha, a maha manyalataniso wontihe ya wakubiha, i ta hanya ke? A nga ta hlayelwa ni xinwe xa zimaho zi lulamileko lezi a zi mahileko. I tafa hi kota ya kuhluwuka kakwe ni zionho lezi a zi onhileko.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Ezekieli 3:20

Kambe loku a munhu a lulamileko a huma kululameni kakwe, a maha kubiha, mina nzi ta veka zikhunguvanyiso mahlweni kakwe, afa. Hikuva u nga mu tlharihisangiko i ta fela xionhweni xakwe, ni zimaho zakwe zi lulamileko zi nga ha ta alakanyiwa; kanilezi a nkhata wakwe nzi ta wu lava canjeni ga wena.

Ezekieli 39:7

Nzi ta maha a vito ga mina ga kubasa gi tibyiwa xikari ka tiko ga mina Israeli; cima nzi nga ta ha tsika a vito ga mina ga kubasa gi nyenyeziswa kambe. A matiko ma ta zi tiva lezaku hi mina Jehova, Loyi wa ku Basa wa ka Israeli.

Levi 19:12

Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Malaki 1:12

Kanilezi nwina ma gi bihisa loku muku: A meza ya Jehova yi na ni chaka, ni zakuga lezi zi yiswako ka yona za soleka.

Malaki 1:7

Mu nyikela a zakuga za nyalidede alatini ga mina. Zonake muku: Hi ku nyenyezisile hi yini? Lezi mu nge ngalo: A meza ya Jehova ya soleka.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6