Jeremia 30:6 - Tshwa Bible

⁶ Wutisani makunu, xana a wanuna a nga zi kota ku pswala ke? Hikuyini nzi wonako a vavanuna a munwe ni munwani a ti khomako xiwunu kota wasati a lunwako ke? Hikuyini a tinghohe tontlhe ti tshuvikileko ke?

Jeremia 30:6 Cross References

Tisimu 48:6

Ti lo sangula ku rurumela Kukotisa kulunwa ka wasati.

Isaya 21:3

Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Jeremia 13:21

U ta kuyini loku a veka hehla ka wena a maxaka ya wena u fumelwa hi wona? Hi wena u va gonzisileko a kuva venyi va wena. Xana zi nga ta bayisa ka wena kota wasati a lunwako ke?

Jeremia 22:23

Wena loyi u akileko Lebanoni, U nga ni xisaka xa wena maravini ya tisedare, Kuxaniseka ka kuyini u tova nako Loku u humelwa hi makhombo, A kubayisa kota a wasati a lunwako;

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 49:24

Damasku i rerekile, i ti longisela ku tsutsuma, wa rurumela; i khomilwe hi kubayiseka ni kuxaniseka kukotisa a wasati loyi a lunwako.

Jeremia 50:43

A hosi ya le Babuloni yi zwile hi wudumo gabye, hikwalaho a mawoko yakwe ma mbhela ntamu. Yi telwe hi hlenekera ni kubayisa ko kota wasati a lunwako.

Jeremia 6:24

Hi zwile a wudumo gabye, a mawoko ya hina ma mbhela ntamu, Hi telwe hi hlanekera ni kubayisa ko kota wasati a lunwako.

Danieli 5:6

Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.

Hosea 13:13

A kubayiseka ka wasati a lunwako ku ta wela hehla kakwe. Yena i nʼwana loyi a nga xipumbu, hakuva a nga humi kubelekiweni hi xikhati xa kona. 2 Tih. 19:3; Isa. 37:3

Joeli 2:6

Hi ku va woneni kabye a matiko ma chava, a tinghohe tontlhe ti hunzuka ti kwalala.

Nahume 2:10

I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6