Hosea 9:15 - Tshwa Bible

¹⁵ A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Hosea 9:15 Cross References

Tisimu 78:60

Kala a tsika a tenda gakwe ga le Xilo, A tenda legi a gi yimisileko xikari ka vanhu. Jox. 18:1; 1 Sam. 4:11; Jer. 7:12

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Jeremia 11:15

Xiranzwa xa mina i maha yini lomu ndlwini ya mina lezi a mahileko a manyala yo hlaya ke? A zifungo ni nyama yi basileko zi nga susa a kubiha ka wena ke? Loku u maha zo biha hi kona u tsakako!

Jeremia 12:8

A tshomba ya mina yi nzi vukela ku fanana ni nghala lomu khwatini; Yi nzi dzumela, hikwalaho nzi yi swirekele.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 3:8

Nzi lo wona lezaku hambu lezi nzi nga hlongole Israeli, nzi mu nyika a papilo ga kuhambana hi kota ya wubhayi gakwe, Juda a makabye wakwe loyi a nga tsumbekangiko, a nga chavangi, kanilezi yenawu i lo famba a ya maha gona wubhayi. Deut. 24:1; 2 Tih. 17:18

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Ezekieli 23:18

I lo maha wuoswi gakwe kubaseni a vumbulula a wumbyiri gakwe; ni moya wa mina wu lo swihala ha yena, khwatsi hilezi wu nga swihala ni makabye wakwe.

Hosea 1:6

I lo xura nyimba kambe a mu belekela a nhanyana. Jehova aku kakwe: Mu chule a vito ga Lo-ruhama, hakuva nzi nga ha tava ni wuxinji kambe ka yindlu ya ka Israeli, nzi nga ta va tsetselela.

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Hosea 12:11

Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Hosea 4:9

Hikwalaho a mupristi i ta humelela hi ndlela yinwe ni vanhu; nzi ta va tsayisa hi kota ya mahanyela yabye, nzi va chachazela a zimaho zabye.

Hosea 7:2

A va khumbuli timbilwini tabye lezaku nza alakanya a kubiha kabye. Makunu a zimaho zabye zi va ranzele, zi le mahlweni ka mina.

Hosea 9:17

A Nungungulu wa mina i ta va hlongola, hakuva a va mu ingisangi; va tava vanyapepe xikari ka matiko.

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Amosi 4:4

Yanani Beteli mu ya onha; yanani le Gilgale mu ya anzisa a zionho! Nehani a miphahlelo ya nwina mixo ni mixo, mu nyikela za wukhume za nwina hi siku ga wunharu.

Amosi 5:27

Hikwalaho nzi ta mu yisa wukhumbini le tlhatuko wa le Damasku, ku wula Jehova, loyi a vito gakwe a nga Nungungulu wa tiyimpi.

Amosi 5:5

Kanilezi mu nga hloteni Beteli, ge hambu a kuya Gilgale; kambe mu nga hunzi muya Berexeba. Hakuva Gilgale i ta yiswa wukhumbini; na Beteli a nga ta ha nyawula.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Mika 6:5

Tiko ganga, alakanya a makungo ya Balake a hosi ya le Moabi, ni lezi Balaami a nʼwana Beore a mu hlamuleko zona, ni lezi zi nga humelela kusukela Xittimu kala Gilgale, kasi ma fela ku tiva a mitiro yi lulamileko ya Jehova. Mitse. 22:1—23:1; Jox. 2:1

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Zakaria 11:8

Hi hweti yinwe nzi lo lovisa varisi vanharu, hakuva a moya wa mina wu wa karele hi tiyivu, ni moya wa tonawu wu wa swihala ha mina.

Mitiro 4:27

Hakuva kunene vaHerodi na Pontiu Pilatu, zinwe ni vamatiko ni vanhu va ka Israeli, va wa tsombene a mutini lowu, kasi ku vukela Jesu, a Nanza ga wena gi basileko, loyi wena u mu totileko, Maheb. 7:26; Isa. 61:1; Joh. 10:36

Mitiro 5:21

Laha va nga zi zwile, va lo enghena tempeleni ni mixo, va gonzisa kona. Kanilezi a mupristi wa hombe, ni lava va nga hi naye, va lota va ta tsombanyisa a hubye ni masingalakati wontihe ya vana va ka Israeli, zonake va lo rumela paxweni a ku ya teka vapostoli. Xip. 4:5, 6

Joxua 10:43

Zonake Joxua ni vontlhe va ka Israeli va lo tlhelela le wugovelweni gabye le Gilgale.

1 Samueli 7:16

Lembe ni lembe Samueli i wa Suka a renzelekela aya Beteli, ni le Gilgali, ni le Mizpa, a famba a lamula va ka Israeli mitini leyo yontlhe.