Genesisi 29:3 - Tshwa Bible

³ Hi kota ya lezo yi wo tsombana laho yontlhe mitlhambi, zonake va wumbuluta a ribye va gi susa nonwini wa hlowo, zonake va nwisa tiyivu, va wuya va gi tlhelisa wutshanwini ga gona laha nonwini wa hlowo.

Genesisi 29:3 Cross References

Genesisi 29:2

I lo wona a hlowo ya lomo tikweni, ku wa mbambamele kona a mitlhambi minharu ya tiyivu; hakuva hi ka hlowo leyo va nga wa nwisa kona mitlhambi; a ribye legi gi nga wa fenengeta a nomu wa hlowo gi wa hi ga hombe.

Genesisi 29:4

Jakobe i te ngalo kabye: Vamakabye, muta hi kwihi? Vona vaku kakwe: Hi va ka Harani.

Genesisi 29:8

Vona vaku ka yena: A hi na ku maha lezo na yi nga se ku tsombana yontlhe mitlhambi, va kala va wumbuluta a ribye va gi susa nonwini wa hlowo; zonake hi kona hi to nwisa tiyivu.

Eksodusi 2:17

Kanilezi a varisi va lo ta chikela va va hlongola; Mosi i lo suka a va yimela, a nwisa mitlhambi yabye.

Xizimba xa ka Solomoni 4:12

Makweru, makoti wanga, i simu gi bhiyelweko; I xibuka xi valelweko, a hlowo yi tiyisilweko.

Valamuli 5:11

Le kule ni guwa ga vaweleli va mawura, le tihlobyeni ta mati, Va dumisa mitiro yo lulama ya Jehova, A mitiro yakwe yo lulama xikari ka va ka Israeli. Zonake a vanhu va Jehova va lo chikela tinyangweni.