Genesisi 22:12 - Tshwa Bible

¹² Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Genesisi 22:12 Cross References

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 22:13

Abrahama i lo tlakusa a mahlo yakwe, i lo wona a hamba hi lenzhako kakwe na yi khwekele lomu likwareni hi timhonzo ta yona; Abrahama i lo ya teka a hamba, a yi maha munyikelo wa kuhiswa wutshanwini ga nʼwana wakwe.

Genesisi 22:16

yiku ngalo: Nzi hlambanyile ha mina, ku wula Jehova, hakuva u mahileko lezi, a ku nzi alelangi ni nʼwana wa wena wa munwe, Lu. 1:73; Maheb. 6:13

Genesisi 22:2

Aku ngalo: Teka a nwanana wa wena Isaka, loyi u mu ranzako, uya tikweni ga le Moria, u ya mu nyikela laho, a kuva munyikelo wa kuhiswa le xitsungeni lexi nzi ta nga ku kombisa xona.

Genesisi 26:5

hakuva Abrahama i lozwa a gezu ga mina, a ingisa kuwula ka mina ni ziyimiso za mina ni zileletelo za mina, ni milayo ya mina.

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Joba 5:19

I ta ku hlanguta zikaratweni ntlhanu wa zikhati ni xinwe: Ina, ni ntlhanu wa zikhati ni zimbiri cima a kubiha ku nga ta ku khumba.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 2:11

Tirelani Jehova hi xichawo, Mu tsaka hi kururumela. Fil. 2:12

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Jeremia 19:5

na va akele Baali a matshamu ma tlakukileko, kasi va hisa kona a vana vabye hi nzilo a kuva miphahlo yo hiswa ya Baali; lezi nzi nga va layangiko, hambu a ku va byela, ne ni ku zi alakanya.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 19:29

Zonake ni wihi loyi a siyileko tiyindlu, kutani vanakulobye, kutani vamakabye, kutani raru, kutani nyine, kutani vanana, kutani zipetso hi kota ya vito ga mina, i ta kuma a za kutala ku hunza, i taga a tshomba ya wutomi ga pinzukelwa.

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

1 Va le Korinte 10:13

A mu se nga humelwa hi nzhingo ahandle ka lowu munhu a wu kotako ku rwala; Nungungulu i tsumbekile, a nga ta vumela a kuva mu ringwa ku hunza a ntamu wa nwina; kanilezi i ta mu mahela a ndlela ya kupona loku wuta nzhingo, kasi mu ta zi kota ku wu rwala. Jer. 29:11; 2 Ped. 2:9

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

Maheberu 11:19

Hakuva i lo alakanya lezaku Nungungulu i na ni ntamu hambu ni ku vuxa hi ka vafileko; lomo a nga mu tlheliselwa ha kona, loku hi wulawula hi ku fananisa. Rom. 4:17

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Jakobe 2:18

Kanilezi munwani i taku ngalo: Wena u na ni kukholwa, mina nzi na ni mitiro. Nzi kombe a kukholwa ka wena na ku hi hava mitiro, mina nzi ta ku komba a kukholwa ka mina hi mitiro ya mina.

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7