Genesisi 1:1 - Tshwa Bible

¹ A kusanguleni Nungungulu i lo vanga tilo ni misava.

Genesisi 1:1 Cross References

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

1 Kronekele 16:26

Hakuva a vanungungulu vontlhe va matiko zifananiso ntsena, Kanilezi Jehova i mahile a matilo.

2 Kronekele 2:11

Huramu a hosi ya le Tire i lo hlamula hi papilo, a gi rumela ka Solomoni, aku: Kota lezi Jehova a ranzileko a vanhu vakwe, i ku yimisile wena a kuva hosi hehla ka vanhu vakwe.

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Joba 26:13

Hi moya wakwe a tilo gaca, A canja gakwe gi tlhava a nyoka leyi yi tsutsumako.

Joba 38:4

U wa hi kwihi a xikhati lexi nzi nga yimisa a xiseketelo xa misava? Tlhatlhambutela loku u hi ni kutivisisa.

Joba 9:8

Hi yena ha yece a tshambulutako matilo, A fambako hehla ka mabyandlati ya bimbi.

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Tisimu 104:24

Jehova, yi talisile kuyini a mitiro ya wena! U yi mahile yontlhe hi wutlhari; A misava yi tele hi zivangwa za wena.

Tisimu 104:30

Zi vangiwa loku u rumela a moya wa wena, U sasekisa a nghohe ya misava yiva yiswa.

Tisimu 115:15

Nwina mu katekisilwe hi Jehova, Loyi a mahileko a tilo ni misava. Mat. 25:34

Tisimu 121:2

A kuvunetela ka mina kuta hi ka Jehova: Loyi a nga maha tilo ni misava. 2 Kro. 20:12

Tisimu 124:8

A kuvunwa ka hina ku le vitweni ga Jehova, Loyi a nga maha tilo ni misava.

Tisimu 134:3

Jehova a ku katekise hi le Zioni, Yena loyi a mahileko tilo ni misava. Mitse. 6:24

Tisimu 136:5

Loyi a nga maha matilo hi wutlhari, Hakuva a wuxinji gakwe ga kala kupinzuka.

Tisimu 146:6

Loyi a nga maha tilo ni misava, Ni bimbi ni zontlhe zi nga ka zona; Loyi a tsumbekako kala kupinzuka. Miti. 14:15; Kuv. 14:7

Tisimu 33:6

A matilo ma mahilwe hi gezu ga Jehova, Ni yimpi yontlhe ya wona hi kuhefemula ka nomu wakwe:

Tisimu 33:9

Hakuva i lo wula ntsena, yi maheka; A lelela, a misava yiva kona.

Tisimu 8:3

Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

Tisimu 8:4

Nziku: Xini a munhu loyi wena u mu khatalelako, Ni nʼwana wa munhu lezi wena u mu enzelako ke? Joba 7:17; Maheb. 2:6

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Tisimu 96:5

Hakuva vontlhe vanungungulu va matiko zifananiso ntsena, Kasi Jehova i mahile matilo. Isa. 41:23; 1 Kor. 8:4

Eksodusi 20:11

Hakuva hi ntlhanu wa masiku hi ginwe, Jehova i mahile tilo ni misava, ni bimbi, ni zontlhe zi nga ka zona; kanilezi i lo humula hi siku ga wuntlhanu ni mambiri; hikwalaho Jehova i katekisile a siku ga sabado a gi basisa. Gen. 2:2

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Mavingu 16:4

Jehova i mahile zilo zontlhe lezaku ziva ni ntiro wo kari, na, ni loyi wa kubiha i mahelwe siku ga kubiha.

Mavingu 3:19

Hi wutlhari Jehova i lo yimisa misava, i kupimisisa i lo yimisa matilo.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Isaya 40:21

A mu zi tivi ke? A mu zi zwangi? A mu tiviswangi hi kusanguleni ke? A mu zi pimangi a kutumbulukeni ka misava ke?

Isaya 40:26

Tlakusani mahlo ya nwina le hehla, mu languta, Himani a vangileko lezi zilo? Hi yena a rangelako a mabandla ya zona hi ku ma xaxameta, Loyi a vitanako zontlhe hi mavito. Hi kota ya ntamu wakwe wa hombe ni wukulu gakwe Ku hava ni xinwe xi vumalekako.

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Isaya 65:17

Hakuva nzi ta vanga a tilo giswa ni misava yiswa, A zilo za kale zi nga ta ha alakanyiwa, Ge hambu ku wuya lomu malangeni. 2 Ped. 3:13; Kuv. 21:1

Jeremia 10:12

Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Marku 13:19

hakuva lawo masiku ma tava ni kuxaniseka, loku ku nga ngha ku nga hi kona hi kusanguleni ka tiko legi Nungungulu a nga gi vanga kala lezi, cima ku nga tava kona. Dan. 9:26; Mat. 24:21

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 17:24

Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Mitiro 4:24

Vona na va zi zwile, va lo tlakusa magezu yabye ka Nungungulu hi mbilu yinwe, vaku ngalo: Hosi, wena loyi u nga maha a tilo ni misava ni bimbi, ni zontlhe lezi zi nga ka zona; 2 Tih. 19:15; Ekso. 20:11; Jer. 32:17

Va le Roma 11:36

Hakuva zilo zontlhe zita hi ka yena, zi mahilwe hi yena, zi mahelwe yena. A wudzunzo a give ka yena kala kupinzuka. Amen. 1 Kor. 8:6; Kol. 1:16

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Va le Efesusi 3:9

ni ku kombisa ka vanhu vontlhe, va tiva a wunekwa ga fihlakalo lowu wu nga fihlilwe hi kale ka matiko ka Nungungulu, loyi a nga vanga zilo zontlhe. Tis. 33:6; Joh. 1:3; Rom. 16:25; 1 Kor. 2:7

Maheberu 1:10

Niku: Hosi, hi kusanguleni u vekile a xiseketelo xa misava, A matilo i ntiro wa mandla ya wena. Tis. 102:25

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Maheberu 11:3

Hi kukholwa ha pima lezaku a misava yi lo vangiwa hi gezu ga Nungungulu, lezaku lezi zi woniwako zi mahilwe hi zilo zi nga wonekiko. Gen. 1:1; Tis. 33:8

Maheberu 3:4

Hakuva a yindlu yinwe ni yinwani yi akilwe hi munhu wo kari, kanilezi loyi a akileko zilo zontlhe hi Nungungulu. Efe. 2:10; 3:9; Xip. 1:2

2 Pedro 3:5

Hakuva a va ranzi ku vumela lezaku a matilo ma wa hi kona kusukela kaleloko, ni misava yi wumbilwe yi huma matini, na yi tshama xikari ka mati hi gezu ga Nungungulu. Gen. 1:6; Tis. 24:2; 33:6

1 Johani 1:1

Lexi xi nga wa hi kona hi le kusanguleni, lexi hi xi zwileko, lexi hi xi wonileko hi mahlo ya hina, ni ku xi khumba hi mandla ya hina, xungetano ni Gezu ga wutomi. Lu. 24:39; Joh. 1:1, 14; 20:27

Kuvululelwa 10:6

yi hlambanya hi loyi a hanyako kala kupinzuka ni kupinzuka, loyi a nga vanga tilo ni lezi zi nga ka gona, ni misava ni lezi zi nga ka yona, ni bimbi ni lezi zi nga ka gona, yiku: A xa ha hi kona xikhati kambe. Neh. 9:6; Dan. 12:7; Xip. 16:17

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:13

Hi mina Alfa na Omega, nzi Wa kusangula ni Wa kugumesa, a kusangula ni kugumesa. Isa. 41:4; 44:6

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12